Swivuriso 2:6 - Xitsonga (Bibele)

⁶ Hikuva Yehovha hi yena la nyikaka vutlhari; Ku tiva ni ku twisisa swi huma enon'wini wa yena.

BIBELE Mahungu Lamanene

⁶ HOSI Xikwembu hi xona xi nyikaka vutlhari, vutivi ni ku twisisa swi huma eka xona;

Swivuriso 2:6 Referans Kwoze

Yakobo 1:5

Loko un'wana wa n'wina a pfumala vutlhari, a a kombele eka Xikwembu lexi nyikaka hinkwavo hi nsovo, xi nga holovi, kutani u ta nyikiwa.

Pisalema 119:98

Swileriso swa wena swi ndzi tlharihisa ngopfu ku tlula valala va mina, Hikuva swi na mina hi masiku.

Ntirho 32:8

Kambe i moya lowu nga ka munhu, Ni ku huhutela ka Lowa matimba hinkwawo leswi nyikaka ku twisisa;

Luka 21:15

hikuva mina ndzi ta mi nyika nomu ni vutlhari lebyi, lava tivekaka valala va n'wina, va nga ta tsandzeka ku byi hlamula ni ku byi kaneta.

Esaya 54:13

Vana va wena va xinuna hinkwavo va ta va vadyondzisiwa va Yehovha, ku rhula ka vona ku ta va lokukulu.

Yohane 6:45

Ku tsariwile ebukwini ya vaprofeta, va ku: ‘Va ta dyondzisiwa hinkwavo hi Xikwembu.’ Hikwalaho un'wana ni un'wana la yingiseke Tatana, kutani a dyondzisiwa hi yena, u ta eka mina.

1 TIHOSI 3:12

waswivo, ndzi endlile hi laha u nga vula hakona: ndzi ku nyikile mbilu leyi tlhariheke leyi nga ni ku twisisa leswaku, emahlweni ka wena a ku nga si va ni munhu kukotisa wena, ni ndzhaku ka wena a ku nga humi munhu la kotisaka wena.

Yakobo 1:17

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

Pisalema 119:104

Ndzi kuma ku twisisa eku leteleni ka wena, Hi leswo-ke ndzi vengile tindlela hinkwato ta mavunwa.

Daniele 2:23

Hi wena, Xikwembu xa vatata wa mina, loyi ndzi ku vongaka, ndzi ku dzunisaka hikuva u ndzi nyikile vutlhari ni matimba, u vuya u ndzi kombisa leswi hi swi kombeleke eka wena; hikuva u hi kombisile mhaka ya hosi.”

Daniele 1:17

Kutani Xikwembu xi nyika majaha laya mune lawa, vutlhari ni ku twisisa matsalwa, ni vutlhari hinkwabyo; kambe Daniele a va ni ku twisisa swikombiso hinkwaswo ni milorho.

Esaya 8:20

A hi tlheleleni enawini ni le vumbhonini. Kungakuloko ku nga yiwi hi rito leri, tiko a ri nga ha tsuvukeriwi hi vurhonga byin'wana!

1 TIHOSI 4:29

Xikwembu xi nyika Solomoni vutlhari ni ku twisisa ngopfungopfu, ni mbilu leyi anameke ku fana ni sava ra le ribuwini ra lwandle.

Daniele 2:21

Hi xona lexi hundzuluxaka mikarhi ni tinguva, lexi susaka tihosi, ni lexi ti tlakusaka, lexi nyikaka tintlhari vutlhari, ni mano eka lava nga ni ku twisisa.

Swivuriso 6:23

Hikuva xitsundzuxo i rivoningo, ni dyondzo i ku vonakala, Ku tshinya ka ku laya i ndlela ya vutomi:

Pisalema 19:7

Nawu wa Yehovha wu hetisekile, wu wisisa moya; Vumbhoni bya Yehovha bya tshembeka, byi tlharihisa xihunguki.

1 TIHOSI 3:9

loko swi ri tano, nyika nandza wa wena mbilu ya ku tiva ku avanyisa tiko ra wena ni ku hlawula leswo saseka eka leswo biha! Hikuva i mani la nga tivaka ku avanyisa tiko leri teleke leronghasi, leri nga ra wena?”

Eksoda 31:3

ndzi n'wi chelele moya wa Xikwembu, ni vutlhari, ni ku tiva mitirho ya tinxakaxaka,

1 TIKRONIKA 22:12

Ntsena Yehovha a a ku nyike vutlhari ni ku twisisa, a a ku fumise ehenhla ka Israele, a a ku nyike ku hlayisa nawu wa Yehovha, Xikwembu xa wena.

Nehemiya 7:5

Kutani Xikwembu xa mina xi nghenisa embilwini ya mina ku anakanya ka ku hlengeleta vakulukumba ni tihosana ni tiko, leswaku va hlayiwa hi tinyimba ta vona; ndzi kuma buku ya tinyimba ta lavo rhanga, ndzi kuma kona va tsarile va ku:

Ntirho 22:22

Wa nga amukela dyondzo leyi humaka enon'wini wa xona, U nghenisa marito ya xona embilwini ya wena.

Pisalema 51:6

Kambe, u rhandza leswinene embilwini ya munhu, Ndzi dyondzise vutlhari exihundleni xa moya wa mina!

Eklesiasta 2:26

Hikuva Xikwembu xi nyika munhu lonene emahlweni ka xona, vutlhari, ni ku tiva, ni ku tsaka, kasi eka mudyohi xi n'wi nyika ntirho lowo tika, ku hlengeleta ni ku vunganyetela leswaku swi ta nyika la nga lonene emahlweni ka Xikwembu. Sweswo, na swona, i vuhava ni ku vaviseka ka moya.

1 TIHOSI 10:24

vanhu hinkwavo va misava a va lava ku vona Solomoni, ku yingisa vutlhari lebyi Xikwembu xi byi vekeke embilwini ya yena;

Ezra 7:25

“Loko u ri wena, Ezra hi vutlhari bya Xikwembu xa wena lebyi u nga na byona, wanga veka vaavanyisi, ni vakamberi va ku avanyisa tiko hinkwaro ra hase ka nambu, va ri hinkwavo lava tivaka milawu ya Xikwembu xa wena; loko a ri un'wana ni un'wana la nga yi tiviki, mi n'wi dyondzisa yona.

Ntirho 12:13

“Eka xona Xikwembu ku tshama vutlhari ni matimba; Xi ni mianakanyo ni ku twisisa.

Ntirho 12:16

Eka xona ku tshamile matimba ni vutlhari; La hambukeke ni loyi a hambukisaka va le mavokweni ya xona;

Pisalema 19:8

Ku letela ka Yehovha ku lulamile ku tsakisa mbilu; Ku lerisa ka Yehovha ku basile, ku hanyanyisa mahlo;

Pisalema 94:10

La layaka matiko, a nga ka a nga tshinyi xana? Kasi hi yena la dyondzisaka vanhu vutlhari.

Pisalema 119:34

Ndzi nyike ku twa swinene, leswaku ndzi ta hlayisa nawu wa wena; Ndzi endla ha wona hi mbilu ya mina hinkwayo!