Swivuriso 19:9 - Xitsonga (Bibele)

⁹ Mbhoni yo hemba yi nga ka yi nga huluki ku biwa, Kambe la vulaka mavunwa u ta lova.

BIBELE Mahungu Lamanene

⁹ Mbhoni ya mavunwa yi nge phonyoki, yi ta biwa, munhu wo hemba ú tivangela rifu.

Swivuriso 19:9 Referans Kwoze

Nhlavutelo 22:15

Kambe ehandle, i timbyana, ni vakanganyisi, ni vaoswi ni vadlayi ni lava gandzelaka swifaniso swa swikwembu, ni hinkwavo lava rhandzaka vunwa ni lava tirhaka hi byona.

Swivuriso 19:5

Mbhoni yo hemba yi nga ka yi nga huluki ku biwa, Ni la vulaka mavunwa a nga ka a nga poni.

Nhlavutelo 21:8

Kambe loko ma ri matoya, ni lava nga pfumelangiki, ni va manyala, ni vadlayi, ni vaoswi, ni vangoma va mavunwa, ni lava khongelaka swifaniso swa swikwembu, ni vahembi hinkwavo, ku averiwa ka vona ku le tiveni leri pfurhaka ra ndzilo ni xivavula; laha, i rifu ra vumbirhi.”

Nhlavutelo 19:20

Kutani xivandza xi khomiwa swin'we ni muprofeta wa mavunwa, loyi a nga endla emahlweni ka xona mahlori lawa a hambukiseke ha wona lava nga amukela mfungho wa xivandza, ni lava gandzeleke xifaniso xa xona havambirhi va cukumetiwa va ha hanya etiveni leri pfurhaka ra ndzilo ni xivavula.

Ezekiele 13:22

Leswi mi hlunamisaka moya wa lowo lulama hi mavunwa ya n'wina, kasi mina a ndzi n'wi hlunamisanga; ma tiyisa mandla ya lowo biha leswaku a nga hundzuki emikhuveni ya yena leyo biha ku kuma vutomi;

Swivuriso 6:19

I mbhoni ya vunwa leyi vulaka mavunwa, Ni la pfuxaka timholovo exikarhi ka vamakwavo.

Swivuriso 12:19

Nomu lowu vulaka ntiyiso, wu tiya makumu, Kambe ririmi ra vunwa i ra nkarhinyana ntsena.

Swivuriso 21:28

Mbhoni ya mavunwa yi ta lova, Kambe munhu wo yingisela u ta vulavula hi masiku.

Daniele 6:24

Kutani hi ku lerisa ka hosi, ku tisiwa vavanuna valavo lava hehleke Daniele, va hoxiwa ekheleni ra tinghala vona, ni vana va vona, ni vasati va vona; kutani va nga si fika ehansi ekheleni, tinghala ti hatlisa ti va khoma, ti tshova marhambu hinkwawo ya vona.