Swivuriso 19:23 - Xitsonga (Bibele)

²³ Xichavo xa Yehovha xi yisa evutomini, U ta xurha, a etlela, a nga humeleri hi khombo.

BIBELE Mahungu Lamanene

²³ Munhu loyi a chavaka HOSI Xikwembu, ú khome ndlela ya vutomi, kutani ú ta hlayiseka ni makhombo ma nge n'wi humeleli.

Swivuriso 19:23 Referans Kwoze

Matewu 5:6

Ku katekile lava nga ni ndlala ni torha ra leswo lulama, hikuva va ta xurha.

Swivuriso 12:21

La lulameke a nga teli hi khombo; Kambe lavo biha va talela hi nhlomulo.

Pisalema 90:14

Hi xurhise hi vunene bya wena, wa ha ri mixo, Kutani hi ta tsaka, hi va hi tsakisisa hi masiku hinkwawo ya hina.

1 Timotiya 4:8

Hikuva ku titiyisa emirini swa pfunanyana; kambe vukhongeri byi pfuna hinkwako, byi ni ku tshembisa ka vutomi bya sweswi ni ka lebyi nga ta ta.

Swivuriso 10:27

Xichavo xa Yehovha xi andzisa masiku, Kambe malembe ya vadyohi ma ta komisiwa.

Pisalema 103:17

Kambe nsovo wa Yehovha i wa mikarhi hinkwayo eka lava n'wi chavaka, Ni ku lulama ka yena ehenhla ka vana va vana va vona;

Pisalema 85:9

Kunene, ku hlayiseka ka yena ku le kusuhi ni lava n'wi chavaka, Leswaku ku kwetsima ku ta aka etikweni ra hina.

Varhoma 8:28

Kambe ha swi tiva leswaku hinkwaswo swi tirhisana swin'we hi vunene eka lava rhandzaka Xikwembu, va nga lava xi va vitaneke hi makungu ya xona lama tiyeke.

Malakiya 4:2

“Kambe loko mi ri n'wina lava chavaka vito ra mina dyambu ra ku lalama ri ta huma ri ri ni ku hanyisa etimpapeni ta rona; mi ta huma, mi tlula ku fana ni marhole ya le tshangeni.

Pisalema 91:16

Ndzi ta n'wi xurhisa hi masiku layo tala, Ni ku n'wi kombisa ku hlayiseka ka mina.

Pisalema 25:13

Moya wa yena wu ta tshama endzalweni, Kutani vatukulu va yena va ta fuma misava.

2 Timotiya 4:18

Kambe Hosi yi ta hamba yi ndzi damurhuta emitirhweni hinkwayo leyo biha, yi ndzi hanyisa ku nghena eku fumeni ka yona loku nga etilweni. Ku twala a ku ve ka yena hi mikarhi ni mikarhi! Amen!

Pisalema 19:9

Xichavo xa Yehovha xi tengile, xi kona hi masiku; Ku avanyisa ka Yehovha ku nene, ku lulamile hinkwako.

Timhaka 9:31

Kambe tikereke a ti tshamile hi ku rhula hinkwako etikweni ra Yudiya, ni ra Galeliya, ni ra Samariya, ti akisiwa, ti famba exichabyeni xa Hosi; kutani ti andza hi ku chavelela ka Moya lowo Kwetsima.

Pisalema 91:10

Khombo ri nga ka ri nga ku fikeri, Ni mhangu yi nga ka yi nga ku weri.

Swivuriso 11:19

Ku lulama ka xiviri ku yisa evutomini, Loko a ri loyi a landzelaka swo biha u tsutsumela eku feni.

Swivuriso 19:22

Lexi sasaka munhu i vunene bya yena; Munhu wa xisiwana u tlula lowa vunwa.

Swivuriso 3:24

Loko u ya eku etleleni, u nga ka u nga chavi, Ni loko u tilatile, vurhongo bya wena byi ta nandziha.

Swivuriso 22:4

Hakelo ya ku titsongahata ni ya ku chava Yehovha i rifuwo, ni ku kwetsima, ni vutomi.