Swivuriso 19:21 - Xitsonga (Bibele)

²¹ Meehleketo yo tala yi le mbilwini ya munhu, Kambe makungu ya Yehovha hi wona lama tiyeke.

BIBELE Mahungu Lamanene

²¹ Makungu ya mbilu, a hi ku tala ka wona, kambe ku ta endleka ntsena leswi HOSI Xikwembu xi swi tsakelaka.

Swivuriso 19:21 Referans Kwoze

Swivuriso 16:9

Mbilu ya munhu yi tikanelela ndlela; Kambe i Yehovha la lulamisaka mikondzo ya yena.

Esaya 14:24

Yehovha wa tinyimpi u hlambanyile, a ku: “Kunene lexi ndzi xi ehleketeke xi ta endlakala, ni lexi ndzi xi kaneleke xi ta humelela.

Swivuriso 16:1

Makungu ya mbilu i ya munhu; Loko ku ri ku hlamula ka ririmi ku huma eka Yehovha.

Esaya 46:10

Ndzi tivisa ka ha ri eku sunguleni leswi nga ta humelela eku heteleleni, ni leswi nga siki humelelaka, ndza swi bvumbha. Makungu ya mina ma ta tiya, kutani ndzi ta endla ku rhandza ka mina hinkwako.

Swivuriso 21:30

A ku na vutlhari, a ku na ku anakanya, A ku na makungu emahlweni ka Yehovha.

Vaefesa 1:11

Kambe eka Kriste hi nyikiwile ndzhaka, hilaha hi nga hlawuriwa hakona khale hi makungu ya loyi a tirhaka swilo hinkwaswo hi ku hisekela ka rirhandzu ra yena,

Ntirho 23:13

Hambiswiritano, xi ni ku anakanya kun'we ntsena, i mani la nga xi rhendzevetaka? Leswi moya wa xona wa swi rhandzaka, wu swi endla.

Swivuriso 21:1

Mbilu ya hosi i xinambyana xa mati evokweni ra Yehovha, U yi fambisa hinkwako laha a rhandzaka kona.

Eklesiasta 7:29

Languta ntsena lexi ndzi xi kumeke: Hi leswaku Xikwembu xi endlile vanhu lava lulameke, kambe vona va lavile mikhuva yo tala.

Daniele 4:35

Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Pisalema 21:11

Hikuva va ku endlele makungu yo biha, Va lukile mano, kambe va ta pfumala matimba.

1 Petro 2:8

va nga lava khunguvanyekaka hi Rito, va tiarisa, kutani hi swona leswi va swi averiweke.

Genesa 50:20

N'wina a mi anakanyile ku ndzi endla swo biha, kasi Xikwembu xi kanele vunene, leswaku xi ta endla leswi humeleleke sweswi, xi ta hanyisa tiko lerikulu.

Swivuriso 12:2

Munhu wa vunene u ta kuma tintswalo eka Yehovha, Kambe lowa makungu layo biha u ta avanyisiwa.

Yuda 1:4

Hikuva exikarhi ka n'wina, ku nghene hi ku wonga, vanhu van'wana, lava ku avanyisiwa ka vona ku tsariweke khale; vanhu lava nga chaviki Xikwembu, va hundzula tintswalo ta Xikwembu xa hina manyala, kutani va landzula Yesu Kriste loyi a nga yena Mufumi a ri swakwe, ni Hosi ya hina.

Estere 9:25

Kambe loko Estere a ta emahlweni ka hosi, a lerisa hi mapapila leswaku makungu layo biha lawa ma kaneriweke hi Hamani ya ku hehla Vayuda, ma tlheriseriwa enhlokweni ya yena, kutani a hayekiwa emhandzeni, yena ni vana va yena.

Pisalema 83:4

Va ku: “Tanani, a hi va hetiseni exikarhi ka matiko Leswaku vito ra Israele ri nga ha twakari.”

Swivuriso 19:22

Lexi sasaka munhu i vunene bya yena; Munhu wa xisiwana u tlula lowa vunwa.

Yeremiya 44:29

Kutani xikombiso xa n'wina hi lexi, ku vula Yehovha, leswaku ndzi ta mi laya exivandleni lexi, mi ta tiva leswaku marito ya mina ma ta hetisiwa hi khombo ehenhla ka n'wina.

2 SAMIELE 17:14

Abixalomu ni vanhu hinkwavo va Israele va ku: “Makungu ya Huxayi, Muariki, ma tlula hi vutlhari makungu ya Ahitofele.” Kambe Yehovha a a kanerile ku onha makungu lamanene ya Ahitofele, leswaku khombo ri tela Abixalomu.

Ezekiele 20:32

Swi nga ka swi nga vi kona leswi taka etimbilwini ta n'wina, loko mi ku: ‘Hi ta fana ni matiko man'wana ni tinxaka ta matiko man'wana, ku luvela ntsandze ni ribye.’