Swivuriso 19:14 - Xitsonga (Bibele)

¹⁴ Yindlu ni rifuwo i ndzhaka ya vatata wa munhu, Kambe nsati wa ku anakanya i nyiko ya Yehovha.

BIBELE Mahungu Lamanene

¹⁴ Muti ni rifuwo i ndzhaka leyi munhu a siyeriwaka yona hi vatswari va yena, kasi nsati wa miehleketo, i nyiko yo huma eka HOSI Xikwembu.

Swivuriso 19:14 Referans Kwoze

Swivuriso 18:22

La kumaka nsati wa xiviri u kumile ku kateka; U nyikiwile tintswalo hi Yehovha.

Swivuriso 13:22

Munhu lonene u siyela vatukulu ndzhaka, Kambe rifuwo ra mudyohi ri siyeriwa la lulameke.

Swivuriso 3:6

U n'wi nghenisa emakungwini ya wena hinkwawo, U ta lulamisa tindlela ta wena.

Yakobo 1:17

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

2 Vakorinto 12:14

Maswivo, ndzi tilunghisele ra vunharhu ku ta eka n'wina; kutani sweswi ndzi nga ka ndzi nga endli hi ku mi tikela, hikuva a ndzi lavi swa n'wina kambe ndzi lava n'wina; hikuva a hi vana lava fanelaka ku hlengeletela vatata wa vona, kambe i vatatana lava fanelaka ku hlengeletela vana va vona.

Duteronoma 21:16

siku a nga ta nyika vana va yena rifuwo ra yena leswaku yi va ndzhaka ya vona, a nga ka a nga veki hosi n'wana wa loyi a rhandziwaka emahlweni ka n'wana wa loyi a vengiwaka, a nga mativula.

Yoxuwa 11:23

Yoxuwa a teka tiko hinkwaro hilaha Yehovha a byeleke Muxe hakona, kutani Yoxuwa a ri nyika Israele, yi va ndzhaka ya yena, a nyika nyimba yin'wana ni yin'wana hi ku averiwa ka vona; kutani tiko ri wisa, ri nga vi na ku lwa.

Genesa 24:7

Yehovha Xikwembu xa tilo, la ndzi humeseke endlwini ya tatana, ni le tikweni ra matswalo ya mina, a va a ndzi byela hi ku hlambanya, a ku: ‘Ndzi ta nyika vatukulu va wena tiko leri’, yeloyi u ta rhumela ntsumi ya yena emahlweni ka wena, u ta tekela n'wananga nsati kona.

Genesa 24:44

kutani a nga ta ku eka mina: “Nwana-ke, ndzi ta nwisa ni tikamela ta wena,” a a ve yena yeloyi Yehovha a hlawuleleke n'wana wa n'wini wanga.’

1 SAMIELE 25:3

Vito ra munhu loyi a a ri Nabala, kambe vito ra nsati wa yena a a ri Abigayele. Nsati loyi, a a ri ni ku twisisa, a a sasekile, kambe nuna wa yena a a ri munhu wo nonon'hwa wa tihanyi. A a ri wa yindlu ya ka Kalebe.