Swivuriso 18:7 - Xitsonga (Bibele)

⁷ Nomu wa xihunguki i ku onhaka ka xona, Kambe ririmi ra xona i ntlhamu eka moya wa xona.

BIBELE Mahungu Lamanene

⁷ Nomo wa xiphunta wu xi vangela khombo, xi tiphasa hi marito ya xona.

Swivuriso 18:7 Referans Kwoze

Swivuriso 13:3

La tikhomaka nomu u hlayisa moya wa yena, Kambe la tshamaka a ahlamisa nomu wa yena, u ta wela eku loveni.

Swivuriso 12:13

Lowo biha u phasiwa hi nandzu wa nomu wa yena, Kambe lowo lulama u ta huma ekhombyeni.

Swivuriso 10:14

Lavo tlhariha va tihlengeletela vutivi, Kambe milomu ya swihunguki yi fika eku lahlekeni.

Pisalema 140:9

Lava ndzi rhendzelaka xikarhi A va weriwe etinhlokweni hi lunya ra milomu ya vona!

Pisalema 64:8

Tindzimi ta vona ti va wisa ehansi, Hinkwavo lava va vonaka va ninginisa tinhloko.

Swivuriso 6:2

Loko ku vula ka nomu wa wena ku ku phasile, Ni marito ya nomu wa wena ma ku bohile,

Swivuriso 10:8

Munhu wa mbilu yo tlhariha u amukela milawu, Kambe xihunguki hi milomu xi ta suva.

Vaavanyisi 11:35

Kakuloko Yefta a n'wi vona, a handzula tinguvu ta yena, a ku: “Yo! N'wananga, u ndzi vavisile, u un'wana wa lava ndzi xanisaka; kasi ndzi ahlamisile nomu wa mina eka Yehovha; ndzi tsandzeka ku hundzuka.”

Swivuriso 18:8

Ku vulavula ka muhlevi ku kota swakudya leswi xawulaka, Swi nghena ekhwirini, endzeni.

Swivuriso 5:22

Muxisi u ta phasiwa hi ku biha ka yena, U ta bohiwa hi mapindza ya ku dyoha ka yena.

Swivuriso 14:3

Enon'wini wa xihunguki ku ni nkhavi wa ku ba ku tikukumuxa ka xona, Kambe milomu ya lavo tlhariha ya va hlayisa.

Swivuriso 16:22

Ku twisisa i xihlovo xa vutomi eka lava ku fuweke, Kambe swihunguki swi layiwa hi vuphukuphuku.