Swivuriso 18:23 - Xitsonga (Bibele)

²³ Xisiwana xi vulavula hi ku khongela, Kambe mufuwi u hlamula hi ku nonon'hwa.

BIBELE Mahungu Lamanene

²³ Xisiwana xi kombela hi ku titsongahata, kambe n'wankumi ú hlamula hi ku rhandza.

Swivuriso 18:23 Referans Kwoze

Yakobo 2:3

loko kutani mi languta eka la ambaleke tinguvu to saseka, mi ku eka yena: “Wena, tshama la eku sasekeni,” kutani mi ku eka xisiwana: “Wena, yima lahaya,” kumbe “tshama la ehansi, evunavelweni bya milenge ya mina,”

Yakobo 2:6

Kasi n'wina mi sola xisiwana! Xana a hi vafuwi lava mi xanisaka; kutani a hi vona lava mi kokelaka etihubyeni xana?

Matewu 5:3

“Ku katekile swisiwana emoyeni, hikuva ku fuma ka matilo i ka swona.

Esaya 66:2

Swilo leswi hinkwaswo, voko ra mina ri swi endlile kutani sweswo hinkwaswo swi humelele,” ku vula Yehovha. “Vona, loyi ndzi nga ta n'wi languta, hi loyi a titsongahataka, loyi mbilu ya yena yi nga leyi tshovekeke, ni loyi a rhurhumelaka hi rito ra mina.

1 SAMIELE 25:17

Sweswi, anakanya, u vona leswi u nga ta swi endla, hikuva khombo ri kaneriwile ehenhla ka hosi ya hina, ni yindlu ya yena hinkwayo; kambe leswi a nga munhu wa tihanyi ngopfu, hi tsandzeka ku vulavula na yena.”

1 SAMIELE 25:10

Nabala a hlamula, a ku eka malandza ya Davhida: “Davhida i mani xana, ni n'wana Yese i mani? Emasikwini lawa, malandza ma tele lama balekelaka tihosi ta wona.

1 SAMIELE 2:36

Kutani mani na mani la nga ta sala endlwini ya wena u ta ta n'wi khinsamela, leswaku a ta kuma malinyana ni xipandzwa xa vuswa, u ta ku: “Wa nga ndzi nghenisa entirhweni wun'wana wa vuprista, ndzi ta kuma vuswanyana, ndzi dya.” ’ ”

Rhuti 2:7

u te eka hina: ‘Ndzi kombela leswaku ndzi nga nkun'hula, ndzi hlengeleta swinyandzana swi nga ri swingani endzhaku ka lava tshovelaka.’ Kutani a ta, a tshama kona ku suka nimixo ku fika sweswi, a wisanyana ntsena endlwini.”

Eksoda 5:2

Kutani Faro a ku: “Yehovha i mani leswaku ndzi yingisa rito ra yena, ndzi tshika Israele a famba? Yehovha a ndzi n'wi tivi, na Israele ndzi nga ka ndzi nga n'wi tshiki a famba.”

Genesa 42:30

“Wanuna yeloyi, yi nga hosi ya tiko, u vulavule na hina hi tihanyi, a ku: ‘Mi tele ku ta kambela tiko.’

Genesa 42:7

Yosefa a vona vamakwavo, a va tiva, kambe a tiendla munhu la nga va tiviki, a vulavula na vona hi matimba, a ku eka vona: “Mi pfa kwihi?” Va ku: “Hi pfa etikweni ra Kanana, hi tile ku ta xava swakudya.”

1 TIHOSI 12:13

Kutani hosi yi hlamula marito ya ku nonon'hwa eka tiko, yi tshika marito ya vakulukumba,

2 TIKRONIKA 10:13

Kutani hosi yi va hlamula hi ku nonon'hwa; hosi Rhobuwamu a tshika marito ya vakulukumba,

Swivuriso 19:7

Vamakwavo va xisiwana va xi venga hinkwavo, Ni tintangha ta xona ti ta hatla ti xi sukela, Loko xi vulavula, va hangalaka, va xi siya.

Swivuriso 22:7

Mufuwi u fuma swisiwana, Ni loyi a lombaka i hlonga ra la n'wi lombeke.

Ntirho 41:3

Xana yi ta ku khongela ngopfu, Kumbe yi ta vulavula na wena hi marito ya ku nandziha-ke?