Swivuriso 18:21 - Xitsonga (Bibele)

²¹ Ku fa ni ku hanya swi kota hi ririmi, Lava ri rhandzaka va ta dya mihandzu ya rona.

BIBELE Mahungu Lamanene

²¹ Rifu ni vutomi, swi lawula hi ku vulavula ka munhu, lava rhandzaka ku vulavula, va ta tshovela mihandzu ya kona.

Swivuriso 18:21 Referans Kwoze

Vaefesa 4:29

Ku nga tshuki ku huma emilon'wini ya n'wina rito ra tingana, hambi ri ri rin'we, kambe a ku hume rito ro nandziha ra ku akisa hi mfanelo, ri nga rito leri humeselaka lava yingisaka vunene byin'wana.

Vakolosa 4:6

Ku vulavula ka n'wina a ku ve lo kunene hi masiku, ku lungiwe hi munyu, mi ta tiva hi laha mi fanelaka ku hlamula hakona eka un'wana ni un'wana.

Swivuriso 10:31

Nomu wa lowo lulama wu humesa swo tlhariha, Kambe ririmi lero voyama ri ta susiwa.

Swivuriso 12:13

Lowo biha u phasiwa hi nandzu wa nomu wa yena, Kambe lowo lulama u ta huma ekhombyeni.

Esaya 57:19

Loyi a vekaka ku khensa emilon'wini ya vanhu, a ku: “Ku rhula, ku rhula eka loyi a nga ekule, ni ka loyi a nga ekusuhi! Ndzi ta va hanyisa.

Swivuriso 11:30

Mihandzu ya munhu wo lulama i murhi wa vutomi; La tlhariheke u tikumela timbilu ta vanhu.

2 Petro 2:18

Hikuva hi ku vulavula timhaka ta manyunyu, ni ta hava, va rhiya hi ku navela ka nyama ni manyala, vanhu lava ha ku fularhelaka lava hanyaka eku hungukeni.

2 Vakorinto 11:15

Loko swi ri tano, hi nga ka hi nga hlamari loko malandza ya yena ma ambele nghohe ya malandza ya leswo lulama; kambe makumu ya vona ma ta fana ni mitirho ya vona.

2 Vakorinto 2:16

eka van'wana, hi ku nun'hwela ka rifu, loku dlayaka; eka van'wana hi ku nun'hwela ka vutomi, loku hanyisaka. Kambe i mani la nga lulamelaka leswo tano?

Swivuriso 21:23

La tihlayisaka nomu ni ririmi U chavisa moya wa yena mahlomulo.

Esaya 3:10

Vulani leswaku lava lulameke va katekile, hikuva va ta dya mihandzu ya mitirho ya vona.

Hosiya 10:13

Mi rimile ku homboloka, mi va mi tshovela ku biha, kutani mi dyile swakudya swa mavunwa; hikuva u tshembile ku famba ka wena, ni vunyingi bya tinhenha ta wena.

Pisalema 12:5

“Hikwalaho ka khombo ra swisiwana ni ku rila ka vapfumari, Ndzi ta pfuka sweswi,” ku vula Yehovha; “Ndzi ta ponisa lava xanisiwaka.”