Swivuriso 17:7 - Xitsonga (Bibele)

⁷ Marito yo saseka ya ku tikurisa a ma lulameli xihunguki, Ngopfu marito ya vunwa ma tshuna nkulukumba.

BIBELE Mahungu Lamanene

⁷ Phuphula a ri koti ku vulavula leswi nga swona, kasi munhu wo chaviseka yena, ú vulavula ntiyiso.

Swivuriso 17:7 Referans Kwoze

Swivuriso 29:12

Loko hosi yi yingisela mavunwa, Malandza ya yona hinkwawo ma hundzuka layo biha.

Matewu 7:5

Mukanganyisi, rhanga u pfuta ntsandze lowu nga le tihlweni ra wena, kutani hilaha u nga ta vonisisa swinene ku pfuta xilavi etihlweni ra makwenu.

Swivuriso 26:7

Hilaha milenge ya xilema yi lengalengaka ntsena, Ku vulavula ka vutlhari ku kota sweswo enon'wini wa xihunguki.

Swivuriso 12:19

Nomu lowu vulaka ntiyiso, wu tiya makumu, Kambe ririmi ra vunwa i ra nkarhinyana ntsena.

Ntirho 34:12

Kunene, Xikwembu a xi endli lexi nga lulamangiki; Lowa matimba hinkwawo a nga ka a nga hombolosi ku lulama.

2 SAMIELE 23:3

Xikwembu xa Israele xi vurisile, Ribye ra xichavelo xa Israele ri te eka mina: “Un'wana la lulameke u ta fuma vanhu, Mufumi la chavaka Xikwembu,

Pisalema 31:18

Milomu leyi hembaka, a yi hundzuke ya mbheveve, Leyi sandzaka la lulameke, Leyi vulavulaka hi ku tikukumuxa ni ku sola!

Swivuriso 6:17

I mahlo yo tikukumuxa, ni ririmi ra vunwa, Ni mavoko lama halataka ngati leyi nga riki na nandzu;

Swivuriso 12:22

Milomu ya mavunwa i manyala eka Yehovha, Kambe lava endlaka swinene va n'wi tsakisa.

Swivuriso 19:10

Ku tsaka a ku lulameri xihunguki; Swi nga tshuna ngopfu loko nandza a fuma tihosi.

Swivuriso 24:7

Vutlhari byi tlakukile, byi tlula xihunguki; Ehubyeni a xi na nomu.

Swivuriso 26:1

Kukotisa gamboko hi ximumu, ni mpfula enkarhini wa ku tshovela, Na xona xichavo a xi faneri xihunguki.