Swivuriso 17:6 - Xitsonga (Bibele)

⁶ Vatukulu i xidlodlo xa lava dyuhaleke, Ku twala ka vana ku huma eka vatata wa vona.

BIBELE Mahungu Lamanene

⁶ Lava nga ni vatukulu, va tinyungubyisa hi vona, na vona vana, va tinyungubyisa hi vatswari.

Swivuriso 17:6 Referans Kwoze

Swivuriso 16:31

Misisi ya timpfu i harhi ya xichavo, Yi kumeka endleleni ya ku lulama.

Swivuriso 13:22

Munhu lonene u siyela vatukulu ndzhaka, Kambe rifuwo ra mudyohi ri siyeriwa la lulameke.

1 TIHOSI 15:4

Hambiswiritano, hikwalaho ka Davhida, Yehovha, Xikwembu xa yena, u n'wi nyikile rivoningo eYerusalema, loko a veka n'wana wa yena endzhaku ka yena, ni loko a tiyisa Yerusalema.

1 TIHOSI 11:12

Ntsena ndzi nga ka ndzi nga swi endli eku hanyeni ka wena hikwalaho ka Davhida, tata wa wena: Ndzi ta ku handzula emavokweni ya n'wana wa wena.

Genesa 50:23

A vona vana va Efrayimi ku yisa eka vatukulu va xikandzatsolo; ni vana va Makiri, n'wana Manase, na vona va velekiwile ematsolweni ya Yosefa.

Genesa 48:11

Kutani Israele a ku eka Yosefa: “A ndzi nga ehleketanga leswaku ndzi ta vona mombo wa wena, kasi hilaha Xikwembu xi vuyeke xi ndzi langutisisa ni vana va wena.”

Eksoda 20:12

“Xixima tata wa wena ni mana wa wena, leswaku masiku ya wena ma engeteriwa emisaveni leyi u yi nyikiwaka hi Yehovha, Xikwembu xa wena.

Malakiya 1:6

“N'wana u chava tata wa yena, ni nandza u chava hosi ya yena. Kambe loko ndzi ri tatana, ku kwihi ku dzunisiwa ka mina xana? Ni loko ndzi ri hosi, ku kwihi ku chaviwa ka mina xana? ku vula Yehovha wa mavandla eka n'wina, vaprista, lava solaka vito ra mina. Kambe mi ri: ‘Hi sandzile vito ra wena ha yini-ke?’