Swivuriso 17:3 - Xitsonga (Bibele)

³ Xirhengele i xa ntsopfu ni swa nsuku, Kambe la ringetaka timbilu, i Yehovha.

BIBELE Mahungu Lamanene

³ Nsuku ni silivhere swi kamberiwa hi ndzilo, timbilu ta vanhu tona ti kamberiwa hi HOSI Xikwembu.

Swivuriso 17:3 Referans Kwoze

Esaya 48:10

Vona, ndzi ku n'okisile, kambe a ndzi kumanga silivhere, ndzi ku ringile exirhengeleni xa khombo.

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

Pisalema 26:2

Ndzi kambe, Yehovha, u ndzi lavisisa; U ringa xisuti xa mina ni mbilu ya mina;

Swivuriso 27:21

Mbita i ya ku nyukisa silivhere, ni fulo ra nsuku; Munhu u ringisa sweswo nomu lowu n'wi dzunisaka.

1 Petro 1:7

leswaku ku ringiwa ka ku pfumela ka n'wina loku hundzisaka nsuku lowu lovaka, (kasi na wona wu ringetiwa hi ndzilo) ku ta mi hundzukela ku dzunisiwa, ni xichavo, ni ku kwetsima, siku ku nga ta humelela Yesu Kriste;

1 TIKRONIKA 29:17

Oho! Xikwembu xanga! Ndzi tiva leswaku u kamba mbilu, ni leswaku! U tsakela ku lulama; loko ndzi ri mina, ndzi humesile swilo leswi hinkwaswo hi ku lulama ka mbilu yanga, kutani sweswi, tiko ra wena leri nga kwala, ndzi ri vonile hi ku tsaka loko ri ku humesela mihlengo ya rona.

Pisalema 66:10

Hikuva wena, Xikwembu, u hi ringile! U hi nyukisile exirhengeleni kukotisa silivhere.

Nhlavutelo 2:23

ndzi ta dlaya hi rifu, vana va yena, kutani tikereke hinkwato ti ta tiva leswaku hi mina la kambelaka swifungha ni timbilu, ndzi va ndzi hakela un'wana ni un'wana wa n'wina hi leswi ringanaka mitirho ya yena.

Zakariya 13:9

Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

Pisalema 139:23

Xikwembu, ndzi kambe, u tiva mbilu yanga! Ndzi ringe, u tiva ku anakanya ka mina!

Swivuriso 15:11

Xivandla xa vafi ni xidziva swi le mahlweni ka Yehovha; Ngopfungopfu timbilu ta vana va vanhu!

Swivuriso 17:2

Nandza wa vutlhari u ta fuma n'wana la khomisaka tingana, U ta dya ndzhaka ni vana va hosi ya yena.

Ezekiele 22:18

“N'wana wa munhu, va yindlu ya Israele eka mina va hundzuke manyelo. Vona hinkwavo i koporo, ni thini, ni nhumbu, ni ntsopfu, exikarhi ka fulo; hinkwavo ka vona i manyelo ya silivhere.

Daniele 11:35

Kutani exikarhi ka lava tlhariheke, van'wana va ta wa leswaku va ta ringetiwa, ni ku hlantswiwa, ni ku basisiwa, ku yisa emikarhini leyo hetelela, hikuva, na yona mhaka leyo, yi vekeriwe nkarhi lowu; vekiweke.

Duteronoma 8:2

“Tsundzuka ndlela hinkwayo leyi Yehovha, Xikwembu xa wena, a ku fambiseke ha yona emananga, hi malembe ya 40 ku ku tsongahata ni ku ku ringa, u ta tiva leswi nga embilwini ya wena: leswaku kumbe xana u ta hlayisa milawu ya yena, kumbe u nga yi hlayisi.

Duteronoma 8:16

lexi ku dyiseke emananga, manna leyi nga tiviwiki hi vatata wa wena, ku ku tsongahata, ni ku ku ringa, kambe xi ta ku katekisa kandzhaku.

Ntirho 23:10

Kasi xi tiva tindlela ta mina; Ni loko xi nga ndzi ringa, a ndzi ta huma ndzi basile kukota nsuku.

Ntirho 28:1

“Ku ni mugodi laha silivhere yi humaka kona, Ni nsuku wu kona laha va celaka kona, wu ta basisiwa.

Swivuriso 16:2

Mikhuva hinkwayo ya munhu yi lulamile emahlweni ka yena, Kambe Yehovha u pima mimoya.

Swivuriso 21:2

Tindlela hinkwato ta munhu ti lulamile emahlweni ya yena, Kambe Yehovha hi yena la pimaka timbilu.