Swivuriso 17:27 - Xitsonga (Bibele)

²⁷ La tikhomaka emaritweni u tiva ku tlhariha, La tisivaka nomu u ni ku twisisa.

BIBELE Mahungu Lamanene

²⁷ Loyi a pimaka marito ya yena loko a vulavula, ú ni vutivi, munhu wo twisisa, ú kota ku tikhoma.

Swivuriso 17:27 Referans Kwoze

Yakobo 3:18

Kutani mihandzu ya ku lulama yi byariwa eku rhuleni, eka lava endlaka mitirho ya ku rhula.

Yakobo 1:19

Hikwalaho, vamakwerhu lava rhandziwaka, munhu un'wana ni un'wana a a ve la chivirikaka ku yingisa a hlwela ku vulavula, a hlwela ni ku kariha;

Swivuriso 14:29

La hlwelaka ku kariha u ni ku anakanya lokukulu, Kambe wa mbilu ya tihanyi, u tshovela vuhunguki.

Swivuriso 10:19

Eku vulavuleni loko tala, ku dyoha a ku pfumaleki, Hikwalaho, la tikhomaka nomu u tlharihile.

Yakobo 3:2

hikuva hinkwerhu ha hoxa eka leswo tala; kungakuloko un'wana a nga hoxi eku vulavuleni, loyi, i munhu la hetisekeke, la tivaka ku tifuma miri hinkwawo.

Swivuriso 15:28

Mbilu ya la lulameke yi anakanya a nga si hlamula, Kambe milomu ya lavo biha yi humesa swo biha!

Eklesiasta 9:17

Marito ya lavo tlhariha ma yingisiwa eku rhuleni, ku tlula ku huwelela ka hosi leyi fumaka swihunguki.

Swivuriso 16:32

La hlwelaka ku kariha u tlula nhenha, Ni la hlulaka mbilu ya yena u tlula la tekaka miti.