Swivuriso 17:26 - Xitsonga (Bibele)

²⁶ Ku rihisa munhu la pfumalaka nandzu a swi saseki, Hambi ku ri ku ba lavakulu hikwalaho ka ku lulama ka vona.

BIBELE Mahungu Lamanene

²⁶ Ku rihisa munhu loyi a lulameke, swi bihile, ku ba munhu wa ndzhuti, a swi lulamanga.

Swivuriso 17:26 Referans Kwoze

Swivuriso 17:15

La yimelelaka la nga ni nandzu, ni la kanetaka la nga riki na nandzu, Ha vambirhi i manyala eka Yehovha.

Swivuriso 18:5

A swi saseki ku ya hi nghohe ya mudyohi, Ku kaneta la lulameke eku avanyiseni.

Yohane 18:22

Kuteloko a vurisile sweswo, un'wana wa malandza lama nga yima kwalaho, a ba Yesu hi xihahati, a ku: “Xana u hlamurisa sweswo muprista lonkulu xana?”

Mikiya 5:1

Sweswi, tilunghise, Siyoni wa mavandla! Hi ta rhendzeriwa hi valala; va n'wi ba hi xigombo erhameni, yena muavanyisi wa Israele!

2 SAMIELE 3:39

Ndzi tsanile namuntlha, hambi ndzi cheriwile hi mafurha, ndzi vekiwe hosi; hikuva vanhu lava, vana va Seruya, va ndzi tlula hi matimba. Yehovha a a rihisele la dyohaka hi lunya ra yena.”

Genesa 18:25

A swi ve kule na wena ku lovisa la lulameke swin'we ni la hombolokeke, swi va leswaku la lulameke a endliwa leswo nge u hombolokile! A swi ve kule na wena! Loyi a avanyisaka misava hinkwayo, a nga ka a nga avanyisi hi ku lulama xana?”

2 SAMIELE 19:7

Sweswi, pfuka u huma, u ya vulavula eka timbilu ta malandza ya wena; hikuva ndza hlambanya hi vito ra Yehovha leswaku loko u nga humi, ku nga ka ku nga sali munhu na wena nivusiku lebyi, kutani khombo leri, ri ta tlula eka wena, makhombo hinkwawo lama ku humeleleke, ku suka evuntshweni bya wena ku fika sweswi.”