Swivuriso 17:24 - Xitsonga (Bibele)

²⁴ Wa ku anakanya u langutisisa vutlhari emahlweni ka yena, Kambe mahlo ya xihunguki ma rhalarhala emakumu ya misava.

BIBELE Mahungu Lamanene

²⁴ Munhu loyi a twisisaka, ú tikarhatela ku yingisa swa vutlhari ntsena, kasi miehleketo ya xiphunta yi hangalaka ni misava hinkwayo.

Swivuriso 17:24 Referans Kwoze

Eklesiasta 2:14

Mahlo ya munhu lowo tlhariha ma le nhlokweni ya yena, kasi xihunguki xi famba emunyameni hambiswiritano ndzi tsundzukile leswaku va humeleriwa havambirhi hi khombo leri fananaka.

Eklesiasta 8:1

La fanaka ni lowo tlhariha i mani xana? I mani la tivaka ku hlamusela mhaka xana? Vutlhari bya munhu byi sasekisa mombo wa yena, byi hundzula ku onya ka mombo wa yena.

1 Yohane 2:16

Hikuva hinkwaswo swa la emisaveni, ku navela ka nyama, ni ku navela ka mahlo ni ku tidzunisa ka vutomi, a swi humi eka Tatana, kambe swi huma emisaveni.

Eklesiasta 6:9

Lexi voniwaka hi mahlo xi sasekile, ku ri ni lexi anakanyiwaka hi mbilu. Xolexo, na xona, i vuhava, ni ku landza mheho.

Swivuriso 14:6

Musandzi u lava vutlhari, kambe a nga byi kumi, Kasi mano ma kumeka hi ku olova hi lava nga ni ku twisisa.

Yohane 7:17

Kungakuloko munhu a rhandza ku endla ku rhandza ka Xikwembu, u ta tiva dyondzo ya mina leswaku xana yi huma eka Xikwembu, kumbexana ndzi vulavula ndzi tisungulela swa mina.

Swivuriso 23:5

U swi langutela yini leswi hundzaka? Rifuwo ri ta mila timpapa, Ri haha ehenhla kukotisa gama.

Swivuriso 15:14

Mbilu ya munhu wo tlhariha yi lava vutivi, Kambe milomu ya swihunguki yi dya vuhunguki.

Pisalema 119:37

Fularhisa mahlo ya mina, ma nga languti swahava, U ndzi hanyisa etindleleni ta wena!

Swivuriso 17:25

Xihunguki xa n'wana u khomisa tata wa yena tingana, U dyisa mbitsi la n'wi velekeke.