Swivuriso 17:23 - Xitsonga (Bibele)

²³ Lowo biha u amukela nyiko leyi fihliweke etingubyini Ku voyamisa tindlela to lulama.

BIBELE Mahungu Lamanene

²³ Munhu wo homboloka, ú pfumela ku xaviwa exihundleni, kutani a nga ha avanyisi hi ku lulama.

Swivuriso 17:23 Referans Kwoze

Mikiya 7:3

Va nghenile ha mavoko mambirhi eku biheni, leswaku va ku hetisa: Hosi ya kombela, muavanyisi wa avanyisa ku kuma hakelo, lonkulukumba, yena, u vulavula ku anakanya loku biha ka moya wa yena, va pfilunganya timhaka.

Swivuriso 17:8

Tinyiko i ribye ra risima eka loyi a ti nyikaka. Hinkwako laha a nghenaka kona wa dzuneka.

Eksoda 23:8

U nga tshuki u amukela tinyiko, hikuva i xilo lexi pfalaka mahlo ya lava vonaka ni ku hombolokisa timhaka ta lava lulameke ehubyeni.

Duteronoma 16:19

U nga tshuki u voyamisa ku lulama; u nga tshuki u ya hi nghohe ya vanhu, kambe u nga tshuki u amukela tinyiko, hikuva nyiko yi phumerisa mahlo ya tintlhari, kambe yi onha timhaka ta lavo lulama.

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Ezekiele 22:12

Eka wena, ku amukeriwa tinyiko leswaku ku ta ta halatiwa ngati; u teka bindzu ni ku andzisa, u humesisa warikwenu mali hi ku vutla, u ri karhi u ndzi rivala, ku vula Hosi Yehovha.

Esaya 1:23

Tihosi ta wena ta tiarisa, ti kucetelana ni vayivi, hinkwato ti rhandza ngopfu ku nyikiwa, ti tsutsumela ku hakeriwa; a ti avanyiseli xisiwana, timhaka ta noni a ti fiki eka tona.

Swivuriso 21:14

Ku nyika ka le xihundleni ku rheleta vukari, Ni nyiko leyi nghenisiweke exifuveni yi rheleta ku hlunama lokukulu.

Swivuriso 18:16

Nyiko ya munhu yi n'wi anamisela ndlela, Yi n'wi tshinetela eka lavakulu.

1 SAMIELE 12:3

Hi mina loyi; ndzi landzuleni emahlweni ka Yehovha, ni le mahlweni ka muhlawuriwa wa yena: Ndzi tekile homu ya mani xana? Ndzi tekile mbhongolo ya mani xana? Ndzi dyelele mani? Ndzi xanisile mani? Ndzi khandlile mani? Ndzi amukerile tinyiko emavokweni ya mani leswaku ndzi pfala mahlo ehenhla ka yena ndzi ta mi tlherisela swona!”

1 SAMIELE 8:3

Kambe vana va yena a va fambanga etindleleni ta yena, va hambuka hi ku navela mali, a va amukela ni tinyiko, va voyamisa ku lulama.

Eklesiasta 7:7

Kunene, masangu ma hlanyisa la tlhariheke, kambe tinyiko ti onha mbilu ya munhu.

Esaya 5:23

lava khanisaka lowo biha hikwalaho ka hakelo, kutani va hikelaka lava lulameke ku lulama ka vona!

Ezekiele 22:27

“Tihosana ta rona exikarhi ka rona ti fana ni timhisi leti handzulaka mbhari; ti halata ngati, ti lovisa mimoya ya vanhu leswaku ti andzisa rifuwo ra tona.

Mikiya 3:9

Yingisani, n'wina tihosi ta yindlu ya Yakobo, na n'wina, tihosi ta Israele, n'wina mi sandzaka ku lulama, mi hundzuluxaka eka hinkwaswo leswi lulameke;