Swivuriso 17:2 - Xitsonga (Bibele)

² Nandza wa vutlhari u ta fuma n'wana la khomisaka tingana, U ta dya ndzhaka ni vana va hosi ya yena.

BIBELE Mahungu Lamanene

² N'wana wa mahanyelo yo khomisa tingana, ú ta fumiwa hi nandza la tlhariheke, ndzhaka leyi a a ta avelana ni vamakwavo, yi ta kuma hi nandza wa kona.

Swivuriso 17:2 Referans Kwoze

Swivuriso 10:5

La hlengeletaka hi xirimo i n'wana wo tlhariha, Kambe la etlelaka loko va tshovela i n'wana la khomisaka tingana.

Eklesiasta 4:13

N'wana la tlhariheke wa xisiwana u tlula hosi leyi dyuhaleke ya xiphukuphuku, leyi nga riki na ku tsundzuxiwa.

Swivuriso 19:26

La hangalasaka xuma xa tata wa yena, a va a hlongola manana, I n'wana lowo biha la khomisaka tingana.

Swivuriso 14:35

Nandza wo tlhariha u dzuneka eka hosi, Kambe yi venga loyi a khomisaka tingana.

Swivuriso 29:15

Nhonga ni ku tshinyiwa swi nyika munhu vutlhari; Kambe wandzisanyana la tifumaka, u khomisa mana wa yena tingana.

Swivuriso 11:29

La pfilunganyaka yindlu ya yena, ndzhaka ya yena yi ta va mheho ntsena, Xihunguki xi ta va nandza wa munhu wa mbilu yo tlhariha.

Swivuriso 17:1

Swikoko ntsena, laha ku nga ni ku rhula, Swi tlula hi ku nandziha yindlu leyi teleke hi tinyama, laha timholovo ti nga kona.

Swivuriso 17:3

Xirhengele i xa ntsopfu ni swa nsuku, Kambe la ringetaka timbilu, i Yehovha.