Swivuriso 17:17 - Xitsonga (Bibele)

¹⁷ Munghana wa munhu wa n'wi rhandza hi masiku; I makwavo emakhombyeni.

BIBELE Mahungu Lamanene

¹⁷ Loyi a nga nakuloni, wa ku rhandza minkarhi hinkwayo, loko u ri ekhombyeni, i makwenu wa xiviri.

Swivuriso 17:17 Referans Kwoze

Swivuriso 18:24

La nga ni vanakulobye lavo tala u ta va ni khombo, Kambe ku ni nakulobye la tlulaka makwavo.

1 SAMIELE 20:17

Yonatani a hlambanyisa kambe Davhida hi rirhandzu leri a n'wi rhandzeke ha rona; hikuva a a n'wi rhandza kukota moya wa yena.

Swivuriso 19:7

Vamakwavo va xisiwana va xi venga hinkwavo, Ni tintangha ta xona ti ta hatla ti xi sukela, Loko xi vulavula, va hangalaka, va xi siya.

1 SAMIELE 18:3

Kutani Yonatani a endla xinakulobye na Davhida, hikuva a a n'wi rhandza kukota moya wa yena.

Vaheveru 2:11

Hikuva, hambi a ri la basisaka, hambi va ri lava basisiweke, hinkwavo va huma eka un'we; hikwalaho a nga na tingana ku va vula vamakwavo,

Rhuti 1:16

Kambe Rhuti a hlamula, a ku: “U nga tshuki u ndzi sindzisa leswaku ndzi ku siya, ndzi ku fularhela; hikuva ndzi ta ya laha u yaka kona, ndzi ta tshama laha u nga ta tshama kona; tiko ra wena ri ta va tiko ra mina, Xikwembu xa wena xi ta va Xikwembu xa mina.

Estere 4:14

hikuva, hambi u nga miyela enkarhini wolowo ku pfuna ni ku hanyisiwa swi ta humelela Vayuda swi pfa kun'wana; loko u ri wena ni yindlu ya tata wa wena, mi ta lovisiwa, kambe swi tiviwa hi mani loko kumbe u fikile evukosikazini hikwalaho ka nkarhi lowo tano?”

2 SAMIELE 1:26

“Mbilu yanga yi vavisekela wena Yonatani, makwerhu! A u ndzi tsakisa ngopfungopfu. Rirhandzu ra wena a ri ndzi nandzihela Ku tlula rirhandzu ra vavasati.

1 SAMIELE 23:16

Kambe Yonatani n'wana Sawulo, a suka a ya eka Davhida exihlahleni, kutani a tiyisa mavoko ya yena eka Xikwembu.

1 SAMIELE 19:2

kutani Yonatani a byela Davhida, a ku: “Tatana Sawulo a lava ku ku dlaya. Sweswi, wanga tivonela nimixo, u tshama exihundleni, u tifihla.

2 SAMIELE 15:21

Itayi a hlamula a ku eka hosi: “Yehovha wa hanya, ni hosi n'wini wanga, wa hanya, leswaku laha hosi, n'wini wa mina, a nga ta va kona, hambi ku ri eku feni, hambi ku ri eku hanyeni, nandza wa wena u ta va kona.”

1 SAMIELE 19:3

Loko ndzi ri mina, ndzi ta huma, ndzi ta yima ekusuhi na tatana, emasin'wini, laha u nga ta va kona; ndzi ta ku vulavulela eka tatana, kutani ndzi ta vona leswi nga swona, ndzi va ndzi ku tivisa.”

Swivuriso 16:28

Munhu wa lunya u byala timholovo, Muhlevi u hambanyisa vanakulobye.

Swivuriso 19:13

N'wana wo hunguka i nhlomulo eka tata wa yena, Ni nsati wa ku leva i yindlu leyi pfutaka hi masiku.