Swivuriso 17:14 - Xitsonga (Bibele)

¹⁴ Ku sungula ku hambana, i ku boxa ka ndhambi; Hikwalaho, loko mholovo yi nga si sungula, suka.

BIBELE Mahungu Lamanene

¹⁴ Ku sungula ka mhaka, swi fana ni ku ndlandlamuka ka mati loko nambu wu tala, hikokwalaho, suka u famba timhaka ti nga si biha.

Swivuriso 17:14 Referans Kwoze

Swivuriso 25:8

U nga hatlisi ku ya eku tengeni, U nga ti tshuka u nga tivi lexi u nga ta hlamula xona makumu, Loko u kanetiwa hi warikwenu.

Swivuriso 20:3

Ku tshika mitengo i ku tidzunisa ka munhu, Kambe xihunguki xin'wana ni xin'wana xi tinyiketa vukari.

1 Vatesalonika 4:11

kutani mi dyondza ku hanya hi ku rhula, mi endla swa n'wina ntsena, mi tirha hi mavoko ya n'wina, hilaha hi nga mi byela hakona;

Swivuriso 15:1

Ku hlamula lokunene ka rheleta vukari, Kambe ku vulavula loku tlhavaka ku pfuxa timholovo.

Varhoma 12:18

Loko swi nga endleka, ni loko mi swi kota, tshamani hi ku tsakelana ni vanhu hinkwavo.

Swivuriso 29:22

Munhu wo kariha u hlohlotela timholovo, Ni loyi a holovaka u andzisa swidyoho swa yena.

Swivuriso 26:21

Makala ni tihunyi, swi tshivela ndzilo; Swi tano ni munhu wa timholovo, u pfurhisa ku holova.

Swivuriso 17:19

La rhandzaka timholovo u rhandza xidyoho, La kurisaka nyangwa ya yena u lava ku lova.

Swivuriso 16:32

La hlwelaka ku kariha u tlula nhenha, Ni la hlulaka mbilu ya yena u tlula la tekaka miti.

Swivuriso 14:29

La hlwelaka ku kariha u ni ku anakanya lokukulu, Kambe wa mbilu ya tihanyi, u tshovela vuhunguki.

Swivuriso 13:10

Ku tikukumuxa ku humesa ku hambana; Kambe vutlhari byi le ka lava pfumelaka ku tsundzuxiwa.

2 TIKRONIKA 28:6

Hikuva Peka, n'wana Remaliya, a dlaya hi siku rin'we, etikweni ra Yuda, vavanuna va 120 000, hinkwavo ti ri tinhenha, hikuva a va tshikile Yehovha, Xikwembu xa vatata wa vona.

2 TIKRONIKA 13:17

Abiya ni tiko ra yena va va hlula ngopfu hikuva ku wile vavanuna va Israele lava hlawuriweke va 500 000, va tlhaveriwe ku fa.

2 SAMIELE 19:41

Kutani vanhu hinkwavo va Israele va ta eka hosi, va ku eka yona: “Vamakwerhu va ka Yuda va ku tekele yini eka hina, va tluta hosi, ni yindlu ya yona eYordani, ni vanhu hinkwavo va Davhida xana?”

Swivuriso 19:11

Munhu wa vutlhari u hlwela ku kariha, Ku twala ka yena i ku yingisela ku dyoheriwa.