Swivuriso 17:11 - Xitsonga (Bibele)

¹¹ Munhu wa lunya u ni ximonyo, Kambe u ta rhumeriwa ntsumi ya tihanyi.

BIBELE Mahungu Lamanene

¹¹ Munhu wo biha mbilu, ú tiyela ku tiarisa ntsena, hikokwalaho, ú tivangela ku rhumeriwa munhu wa tihanyi.

Swivuriso 17:11 Referans Kwoze

2 SAMIELE 18:15

kutani majaha ya khume lama tameleke matlhari ya Yowabu, ma rhendzela Abixalomu exikarhi, ma n'wi tlhava, ma n'wi dlaya.

1 TIHOSI 2:46

Kavaloko hosi yi lerisa Benaya, n'wana Yehoyada, a huma a ya dlaya Ximeyi; kutani a fa. Kutani vuhosi byi tiyisiwa emavokweni ya Solomoni.

Luka 19:27

Loko va ri valala va mina lava nga swi rhandziki leswaku ndzi va fuma, va tiseni kwala, mi va dlaya emahlweni ka mina.’ ”

Matewu 22:7

Kutani hosi, loko yi twa timhaka leti, yi kariha yi rhuma mavandla ya yona ku ya lovisa vadlayi valavo, yi hisa ni muti wa vona.

Matewu 21:41

Va hlamula, va ku eka yena: “U ta onha ni ku lovisa vaonhi valavo, kutani nsimu ya vhinya, u ta yi veka emavokweni ya varimi van'wana lava nga ta n'wi tlherisela mihandzu ya yona emikarhini ya yona.”

1 TIHOSI 2:31

Kutani hosi yi ku eka yena: “Endla hilaha a nga vula hakona; n'wi dlaye, u n'wi lahla; sweswo u ta susa ehenhla ka mina ni le henhla ka yindlu ya tatana, ngati leyi Yowabu a yi halateke ntsena.

2 SAMIELE 20:22

Kavaloko wansati a ta eka tiko hinkwaro hi vutlhari bya yena, kutani va tsema nhloko ya Xeba, n'wana Bikri, va yi hoxa eka Yowabu. Kutani a yimba nanga; va hangalaka emahlweni ka muti, un'wana ni un'wana a ya entsongeni wa yena; yena Yowabu a tlhelela eYerusalema, eka hosi.

2 SAMIELE 20:1

Kutani ku humelela kona munhu wa Beliyali, vito ra yena a a ri Xeba n'wana Bikri, wa Benjamini; a yimba nanga, a ku: “A hi na ku averiwa na Davhida, a hi na ndzhaka na n'wana Yese! Va ka Israele, un'wana ni un'wana a a muke entsongeni wa yena!”

2 SAMIELE 18:19

Ahimaasi, n'wana Sadoki, a ku: “Ndzi tshike ndzi tsutsuma ku ya vikela hosi mahungu yo saseka hilaha Yehovha a n'wi rihiseleke hakona evokweni ra valala va yena.”

2 SAMIELE 15:12

Kakuloko Abixalomu a humesa magandzelo, a rhuma vanhu va ya lava Ahitofele, wa le Gilo: ndhuna ya Davhida, a a ri emutini wa rikwavo eGilo; kutani makungu ya lava yimeleke Abixalomu ma tiya, ni vanhu lava n'wi landzaka va engeteleka.

Swivuriso 17:10

Munhu wa ku anakanya u twa ku tshinyiwa Ku tlula xihunguki loko xi biwa ka dzana.

Swivuriso 17:12

Ku hlangana ni bere leyi tekeriweke vana va yona, Ku tlula ku hlangana ni xihunguki eku hlanyeni ka xona.

Swivuriso 24:21

N'wananga, chava Yehovha ni hosi, U nga toloveli va timholovo;