Swivuriso 16:6 - Xitsonga (Bibele)

⁶ Ku dyoha ku funengetiwa hi tintswalo ni ntiyiso, Hi ku chava Yehovha, vanhu va fularhela swo biha.

BIBELE Mahungu Lamanene

⁶ Munhu loyi a nga ni tintswalo, a tlhela a tshembeka, HOSI Xikwembu xa n'wi rivalela milandzu ya yena, naswona loyi a xi chavaka, ú kota ku papalata leswo biha.

Swivuriso 16:6 Referans Kwoze

Swivuriso 14:16

La tlhariheke u ni xichavo, kutani u papalata swo biha, Kambe xihunguki xi honisa ntsena, xi titshemba.

Ntirho 28:28

Kutani xi ku eka munhu: ‘Vona, xichavo xa Hosi, hi byona vutlhari; Ku papalata swo biha, hi kona ku twisisa.’ ”

2 Vakorinto 7:1

Sweswi, varhandziwa, loko hi ri ni ku tshembisiwa kuloko, a hi tihlantsweni thyaka hinkwaro ra miri ni ra moya, hi ri karhi hi hetisa ku hlawuleka ka hina exichabyeni xa Xikwembu.

Daniele 4:27

Loko swi ri tano, hosi, amukela ku tsundzuxa ka mina. Herisa ku dyoha ka wena hi ku endla hi ku lulama, ni ku homboloka ka wena hi ku tsetselela xisiwana, loko kumbexana ku kateka ka wena ka ha ri ni nkarhi.”

Luka 11:41

Kambe nyikani swisiwana leswi nga endzeni ka swona, hi kona swilo hinkwaswo swi nga ta va swi basile eka n'wina.

Swivuriso 14:27

Ku chava Yehovha i xihlovo xa vutomi Ku tingawurisa vanhu emakheleni ya rifu.

Swivuriso 8:13

Ku chava Xikwembu i ku venga swo biha; Ndzi venga manyunyu, ni ku tidzunisa, ni ku famba loko biha, Ni nomu wo homboloka.

Swivuriso 20:28

Tintswalo ni ku tshembeka swi tiyisa hosi, Hi tintswalo yi ta tiyisa xitshamo xa yona.

Timhaka 15:9

kambe a xi hambanyisanga nchumu exikarhi ka hina na vona, hikuva xi basisile timbilu ta vona hi ku pfumela.

Nehemiya 5:15

kasi vafumi vo rhanga lava ngi va ri kona emahlweni ka mina, a va tikela tiko, va teka vuswa ni vhinyo eka vona, ehandle ka tixikele ta mune wa makume ta silivhere, ni malandza ya vona a ma fuma hi matimba ehenhla ka tiko.

Nehemiya 5:9

Kutani ndzi ku: “Leswi mi swi endlaka a swi lulamanga; a mi fanele ku famba eku chaveni ka Xikwembu xa hina, hi nga tshuki hi sandziwa hi matiko lawa va nga valala va hina.

1 Petro 1:22

Kutani leswi mi basiseke mimoya ya n'wina hi ku yingisa ntiyiso hi Moya, leswaku mi va ni rirhandzu leri nga kanganyisiki, rhandzanani hi ku tiya hi timbilu leti tengeke;

Vaefesa 5:21

Titsongahateni, van'wana eka van'wana exichabyeni xa Kriste.

Yohane 15:2

Rhavi rin'wana ni rin'wana leri nga eka mina, leri nga vekiki, wa ri tsema; kutani rin'wana ni rin'wana leri vekaka, wa ri tsema, leswaku ri engeta ku veka.

Pisalema 85:10

Vunene ni ku lulama swi hlanganile, Ku lulama ni ku rhula ku ntswontswanile;

Genesa 20:11

Kutani Abrahama a ku: “A ndzi ku kumbe, ku chava Xikwembu ku hava etikweni leri, kutani va ta ndzi dlaya hikwalaho ka nsati wa mina.

Eksoda 1:17

Kambe masungakati ma chava Xikwembu; a ma endlanga hilaha hosi ya Egipta yi ma byeleke hakona; kambe ma ponisa vandzisanyana.

Eksoda 20:20

Kutani Muxe a ku eka tiko: “Mi nga chaveni hikuva Xikwembu xi tile ku ta mi ringa leswaku nchavo wa xona wu va emahlweni ka n'wina leswaku mi nga dyohi.”

Swivuriso 3:7

U nga tivoni vutlhari, Chava Yehovha, u papalata swo biha;

Swivuriso 16:5

Munhu un'wana ni un'wana la tikurisaka hi mbilu, i manyala eka Yehovha; Kunene u ta biwa, a nga ka a nga poni.

Levhitika 25:17

Ku nga tshuki ku va ni un'we la dyelelaka warikwavo; kambe u chava Xikwembu xa wena; hikuva hi mina Yehovha Xikwembu xa n'wina.

Duteronoma 30:13

A wu nga ri hase ka lwandle, leswaku va nga ku: ‘I mani la nga ta hi pelela ehase ka lwandle, a ya hi tekela wona, a ta hi dyondzisa wona leswaku hi endla ha wona?’

Swivuriso 3:3

Vunene ni ntiyiso swi nga tshuki swi avana na wena; Titsimbe swona enhan'wini ya wena, u swi tsala embilwini ya wena:

Swivuriso 14:2

La fambaka hi ku lulama u chava Yehovha, Kambe la homboloxaka tindlela ta yena wa n'wi tsan'wa.

Daniele 4:24

Nhlamuselo ya kona hi yoleyi, wena hosi! I makungu ya La nge henhlahenhla lama nga ta hetiseka henhla ka hosi, n'wini wa mina: