Swivuriso 16:24 - Xitsonga (Bibele)

²⁴ Marito yo saseka i xihlenga xa vulombe, Ma tsakisa moya, ma hanyisa marhambu.

BIBELE Mahungu Lamanene

²⁴ Marito lama tsakisaka ma fana ni xihlenge xa vulombe, lexi nandzihaka enon'weni, xi tlhela xi tiyisa miri.

Swivuriso 16:24 Referans Kwoze

Swivuriso 12:18

La vulaka swahava wa tlhava kukota tlhari; Kambe nomu wa lowo tlhariha wa hanyisa.

Swivuriso 4:22

Hikuva i vutomi eka hinkwavo lava ti kumaka, I ku tsaka ka miri hinkwawo wa vona.

Swivuriso 3:8

Wu ta va murhi enkaveni wa wena, Ni mongo emarhambyini ya wena.

Swivuriso 23:16

Ndzi ta tsaka endzeni ka mbilu ya mina, Loko u vulavula swo lulama hi nomu wa wena.

Swivuriso 27:9

Mafurha, ni leswi nun'hwelaka ku nandziha, swi tsakisa mbilu; Hi sweswo, ku lerisa loku humaka embilwini ya nakulobye, ka nandziha.

Pisalema 119:103

A hi ku nandziha ka marito ya wena emalakeni ya mina, Ma tlula vulombe enon'wini wa mina!

Pisalema 19:10

Swi naveriwa ngopfu ku tlula nsuku ku tlula nsuku lowu tengeke wa ku tala. Swi tlula ni vulombe hi ku nandziha, ni leswi tshonaka eswihlengeni swa byona.

Yeremiya 15:16

Hikuva marito ya wena, loko ma ndzi kuma, ndzi tidyela wona, hikuva marito ya wena i ku rhula ni ku tsaka ka mbilu ya mina; hikuva ku khongeriwile vito ra wena ehenhla ka mina, wee Yehovha Xikwembu xa tinyimpi!

Swivuriso 15:26

Meehleketo leyo biha i manyala eka Yehovha, Kambe marito lamanene ma tengile emahlweni ka yena.

Duteronoma 32:2

Dyondzo ya mina yi ta swama kukota mpfula, Rito ra mina ri ta xiririka kukotisa mberha; Kukota mpfula erihlazeni, Kukota mberha leyo tala ebyanyini!

Swivuriso 15:23

Munhu u kuma ku tsaka hi ku hlamula ka nomu wa yena, Kutani rito leri humesiwaka hi nkarhi lowu fanekelaka ra nandziha swonghasi!

Risimu ra Tinsimu 4:11

Milomu ya wena, muvutiwa wa mina, yi ntshona vulombe; Vulombe ni ntswamba swi le hansi ka ririmi ra wena; Ku nun'hwela ka swifunengelo swa wena ku fana ni ku nun'hwela ka Lebanoni.

Swivuriso 17:22

Mbilu leyi tsakeke i murhi lowu tiyisaka, Kasi moya lowu dyaka mbitsi wu omisa marhambu.

Eklesiasta 12:10

Mudyondzisi u chivirike ku kuma swihlambanyiso leswi tsakisaka, kutani leswi tsariweke hi ku lulama, i marito ya ntiyiso.

Nhlavutelo 10:10

Kutani ndzi teka bukwanyana evokweni ra ntsumi, ndzi dya, kutani yi nandziha enon'wini wa mina kukotisa vulombe, kambe, kuteloko ndzi yi dyile, ku bava endzeni ka mina.