Swivuriso 16:21 - Xitsonga (Bibele)

²¹ Wa mbilu yo tlhariha u vuriwa la twisisaka, Nomu wa yena wa nandziha, wu tatisa ku tiva.

BIBELE Mahungu Lamanene

²¹ Munhu loyi a tlhariheke, u ta vuriwa “la twisisaka”; hi ku tsokombela ka marito ya yena, ú kota ku khorwisa vanhu.

Swivuriso 16:21 Referans Kwoze

Esaya 50:4

Hosi, Yehovha, u ndzi nyikile ririmi ra mudyondzisi leswaku ndzi ta kota ku tiyisa hi rito ra mina loyi a heleke mbilu, ri xa nimpundzu, a pfuxa ndleve ya mina leswaku ndzi n'wi yingisa hilaha ku yingisaka vadyondzisiwa.

Swivuriso 15:7

Milomu ya lavo tlhariha yi hlwanya vutivi, Kambe mbilu ya lavo hunguka a yi lulamanga.

Swivuriso 27:9

Mafurha, ni leswi nun'hwelaka ku nandziha, swi tsakisa mbilu; Hi sweswo, ku lerisa loku humaka embilwini ya nakulobye, ka nandziha.

Yakobo 3:17

Kambe vutlhari lebyi pfaka ehenhla, ku sungula ka byona i ku tenga, byi engeta byi va ni ku rhula, ni ku olova, ni ku yingisela, byi tele tintswalo, ni mihandzu leyinene, a byi tsekatseki, a byi kanganyisi.

Yohane 7:46

Malandza ma hlamula, ma ku: “A hi si vona munhu la vulavulaka kukotisa munhu loyi, ni siku ni rin'we.”

Luka 4:22

Kutani hinkwavo va n'wi yimela, va ri karhi va hlamala hi marito lamanene lama humaka enon'wini wa yena, va ku: “Xana loyi a hi n'wana Yosefa xana?”

Eklesiasta 12:10

Mudyondzisi u chivirike ku kuma swihlambanyiso leswi tsakisaka, kutani leswi tsariweke hi ku lulama, i marito ya ntiyiso.

Swivuriso 23:15

N'wananga, loko mbilu ya wena yi tlhariha, Mbilu ya mina yi ta tsaka;

Swivuriso 10:8

Munhu wa mbilu yo tlhariha u amukela milawu, Kambe xihunguki hi milomu xi ta suva.

Pisalema 45:2

U tlula hi ku saseka vana va vanhu, Tintswalo ti halakile emilon'wini ya wena; Hikwalaho Xikwembu xi ku katekiseke hi laha ku nga heriki.

1 TIHOSI 3:12

waswivo, ndzi endlile hi laha u nga vula hakona: ndzi ku nyikile mbilu leyi tlhariheke leyi nga ni ku twisisa leswaku, emahlweni ka wena a ku nga si va ni munhu kukotisa wena, ni ndzhaku ka wena a ku nga humi munhu la kotisaka wena.

Varhoma 16:19

Kambe hinkwavo va tiva ku yingisa ka n'wina. Ndzi mi tsakela kwalaho; kambe ndzi rhandza leswaku mi valavo tlhariha eku sasekeni, ni lavo tenga eku biheni.

Matewu 11:25

Enkarhini wolowo Yesu a vulavula a ku: “Ndza ku dzunisa, Tatana, Hosi ya le tilweni ni ya misava, hikuva timhaka teto u ti fihlele lavo tlhariha ni lava mano, kambe u ti tivisile lavatsongo.

Swivuriso 16:22

Ku twisisa i xihlovo xa vutomi eka lava ku fuweke, Kambe swihunguki swi layiwa hi vuphukuphuku.

Hosiya 14:9

Hi wihi lowa vutlhari, la nga twisisaka timhaka leto, ni la nga ni ku anakanya, leswaku a ti tiva? Hikuva tindlela ta Yehovha ti lulamile; lava lulameke va ta famba eka tona, kambe vatiarisi va ta khunguvanyeka eka tona.

Swivuriso 10:13

Vutlhari byi kumiwa enon'wini wa la nga ni ku twisisa, Kambe nhonga yi le nhlaneni wa la nga twisisiki.

Swivuriso 10:23

Eka xihunguki, ku dlaya, i ku tlanga, Kambe vutlhari i bya munhu la twisisaka.