Swivuriso 16:17 - Xitsonga (Bibele)

¹⁷ Gondzo ra lavo lulama, i ku fularhela swo biha, La hlayisaka moya wa yena u xiya mafambele ya yena.

BIBELE Mahungu Lamanene

¹⁷ Gondzo ra lavo lulama ri papalata leswo biha, hinkwavo lava fambaka eka rona, va ponisa vutomi bya vona.

Swivuriso 16:17 Referans Kwoze

Esaya 35:8

Gondzo ri ta va kona, ni ndlela leyi vuriwaka ndlela yo kwetsima; a ku na munhu wa thyaka la nga ta hundza kona; yi ta va ya lavo lulama ntsena. Lava nga ta famba endleleni yoleyo, hambi xi ri xiphukuphuku va nga ka va nga lahleki.

Swivuriso 19:16

La hlayisaka milawu u hlayisa moya wa yena, Kambe la nga siyiki ndlela ya yena u ta fa.

Swivuriso 10:9

La fambaka hi ku lulama u famba hi ku rhula, Kambe la homboloxaka mafambele ya yena u ta tiviwa.

Nhlavutelo 3:10

Leswi u hlayiseke Rito ra ku tiyisela ka mina, na mina ndzi ta ku hlayisa enkarhini wa ndzingo lowu nga ta humelela emisaveni hinkwayo ku ta ringa lava akeke emisaveni.

Yuda 1:21

mi tihlayisa erirhandzwini ra Xikwembu, mi ri karhi mi langutela tintswalo ta Hosi ya hina Yesu Kriste, leswaku mi ta hiwa vutomi lebyi nga heriki.

Vaheveru 10:39

Loko hi ri hina, a hi vanhu va ku tlhelela ku ya eku lahlekeni, kambe hi va ku pfumela, leswaku mimoya ya hina yi hanyisiwa.

Timhaka 24:16

Hikwalaho ndzi tiyisaka hi matimba hi masiku hinkwawo leswaku ndzi va ni ripfalo leri nga ndzi soriki emahlweni ka Xikwembu ni vanhu.

Timhaka 10:35

kambe exikarhi ka matiko hinkwawo, loyi a xi chavaka, a endla leswi lulameke, xa n'wi tsakela.

Matewu 24:13

Kambe la nga ta tiyisela ku fikela emakumu, hi yena la nga ta hlayiseka.

Yuda 1:24

Eka loyi a nga ni matimba ya ku mi hlayisa mi nga khunguvanyeki, ni ku mi yimisa mi nga ri na xivati emahlweni ka yena, eku kwetsimeni ni le ku tsakeni;

Ntirho 1:1

Munhu a a ri kona etikweni ra Usi, vito ra yena a a ri Yobo. A a ri munhu la fambaka hi ku tenga ni ku lulama; a chava Xikwembu, a tinga swo biha.

Swivuriso 4:23

Hlayisa mbilu ya wena ku tlurisa leswi hlayisiwaka, Hikuva i xihlovo xa vutomi.

Swivuriso 21:23

La tihlayisaka nomu ni ririmi U chavisa moya wa yena mahlomulo.

Swivuriso 22:5

Mitwa ni mitlhamu yi le ndleleni ya munhu wo homboloka; La hlayisaka moya wa yena u ta yi papalata.