Swivuriso 15:33 - Xitsonga (Bibele)

³³ Xichavo xa Yehovha i xikolo xa va vutlhari, Ku titsongahata ku rhangela ku dzunisiwa.

BIBELE Mahungu Lamanene

³³ Loko u chava HOSI Xikwembu, u le ku dyondzeni ka vutlhari; rhanga hi ku titsongahata, hi kona u nga ta dzunisiwa.

Swivuriso 15:33 Referans Kwoze

1 Petro 5:5

Na n'wina lavantshwa, tivekeni ehansi ka lavakulu, mi ambala ku titsongahata, mi ri karhi mi tiveka ehansi ka van'wana, hikuva “Xikwembu xi alela lava tikurisaka, kambe xi tsetselela lava titsongahataka.”

Swivuriso 18:12

Ku onhaka loko ku nga si humelela, mbilu ya munhu ya tidzunisa, Kambe ku titsongahata ku rhangela xidzumo emahlweni.

Swivuriso 1:7

Ku chava Yehovha, i masungulo ya vutivi hinkwabyo; Kambe lavo rivala va tsan'wa vutlhari ni dyondzo.

Yakobo 4:10

Titsongahateni emahlweni ka Hosi, kutani yi ta mi tlakusa.

Pisalema 111:10

Ku chava Yehovha i ku sungula ka vutlhari; Hinkwavo lava ku hlayisaka va ni ku twisisa lokunene. Ku dzuna ka yena ku tshama hi laha ku nga heriki.

Swivuriso 29:23

Ku tikukumuxa ka munhu ka n'wi tsongahata, Kambe wa mbilu yo titsongahata u ta fikela eku vonakaleni.

Pisalema 34:11

Tanani vana, mi ndzi yingisela, Ndzi ta mi dyondzisa xichavo xa Yehovha.

Ntirho 28:28

Kutani xi ku eka munhu: ‘Vona, xichavo xa Hosi, hi byona vutlhari; Ku papalata swo biha, hi kona ku twisisa.’ ”

Luka 14:11

Hikuva un'wana ni un'wana la titlakusaka, u ta tsongahatiwa; kambe un'wana ni un'wana la titsongahataka, u ta kurisiwa.”

Swivuriso 8:13

Ku chava Xikwembu i ku venga swo biha; Ndzi venga manyunyu, ni ku tidzunisa, ni ku famba loko biha, Ni nomu wo homboloka.

Swivuriso 1:2

Ku tiva vutlhari ni tidyondzo, Ni ku hlamusela marito ya vutlhari;

Swivuriso 15:32

La alaka ku layiwa u sola moya wa yena, Kambe la yingiselaka ku tshinyiwa u fuwa vutlhari.

Swivuriso 16:1

Makungu ya mbilu i ya munhu; Loko ku ri ku hlamula ka ririmi ku huma eka Yehovha.

Estere 2:15

Loko a ri Estere, n'wana Abihayili, hahani wa Mordekayi, loyi ingi a n'wi hlayisile, a n'wi endle n'wana wa yena, siku ku fikaka nkarhi wa yena wa ku nghena eka hosi, a nga lavanga nchumu loko xi nga ri lexi ingi a xi byeriwile hi Hegayi, ndhuna ya hosi, mulanguteri wa vavasati; kutani Estere a kuma tintswalo eka hinkwavo lava n'wi vonaka.