Swivuriso 15:32 - Xitsonga (Bibele)

³² La alaka ku layiwa u sola moya wa yena, Kambe la yingiselaka ku tshinyiwa u fuwa vutlhari.

BIBELE Mahungu Lamanene

³² Munhu loyi a bakanyaka switsundzuxo, wa tidlaya, kasi loyi a yingisaka loko a tshinyiwa, ú engetelela ku twisisa.

Swivuriso 15:32 Referans Kwoze

Nhlavutelo 3:19

Ndzi tshinya ni ku laya hinkwavo lava ndzi va rhandzaka; hikwalaho-ke, u va ni ku chivirika, u tisola.

Swivuriso 1:7

Ku chava Yehovha, i masungulo ya vutivi hinkwabyo; Kambe lavo rivala va tsan'wa vutlhari ni dyondzo.

Esaya 1:5

Mi ta biwa ku yisa kwihi, loko mi andzisa ku tiarisa ka n'wina xana? Nhloko hinkwayo ya vabya, ni mbilu hinkwayo yi twa ku vaviseka.

Swivuriso 18:15

Mbilu ya munhu wa ku anakanya yi fuwa vutivi, Ni tindleve ta lavo tlhariha ti lava byona.

Yakobo 1:22

Mi va vaendli va rito, mi nga vi vatwi ntsena, lava tixisaka eku ringaniseni ka vona.

Yeremiya 5:3

Oho Yehovha! Xana mahlo ya wena a ma tivi ku lulama-ke? Wa va ba, kambe a va twi ku vavisa; wa va herisa, kambe va ala ku amukela ku layiwa; va tinonon'hwisile mimombo ya vona ku tlurisa ribye, kutani va ala ku hundzuka.

Swivuriso 29:1

Munhu la fanelaka hi ku tshinyiwa, kutani a nonon'hwisa nhamu, U ta tshoveka kan'wekan'we, a ku nga vi na murhi wo n'wi tshungula.

Swivuriso 17:16

Mali yi pfuna yini evokweni ra xihunguki-ke? Xana i ku xava vutlhari-ke? Kambe xi pfumala mbilu.

Swivuriso 15:21

Vuhunguki i ku tsaka ka la pfumalaka ku twisisa, Kambe munhu wa ku anakanya u famba hi ku lulama.

Swivuriso 15:14

Mbilu ya munhu wo tlhariha yi lava vutivi, Kambe milomu ya swihunguki yi dya vuhunguki.

Pisalema 50:17

Wena la vengaka ku layiwa, La cukumetaka marito ya mina endzhaku ka wena!

Duteronoma 21:20

kutani va ta ku eka vakulukumba va muti: ‘N'wana wa hina loyi a tiarisaka, a nga yingisi rito ra hina, i muoswi ni munwi.’

Duteronoma 21:18

“Kungakuloko munhu a ri ni n'wana la nga yingisiki, la tiarisaka, la nga yingisiki rito ra tata wa yena ni rito ra mana wa yena; ni loko ingi va n'wi layile, kambe a nga va yingisanga;

Vaheveru 12:15

mi tilangutela leswaku ku nga tshuki ku va na un'we la titsonaka tintswalo ta Xikwembu, rimitsu ro bava ri nga tshuki ri mi hlukela, ri mi pfilunganya, kutani lavo tala va onhaka ha rona.

Swivuriso 13:18

Vusiwana ni tingana i swa la alaka ku layiwa, Kambe la amukelaka ku tshinyiwa u ta dzunisiwa.

Swivuriso 15:5

Xihunguki xi monya dyondzo ya tata wa xona, Kambe la yingiselaka ku layiwa wa tlhariha.

Swivuriso 15:31

Ndleve leyi yingisaka ku layiwa loku yisaka evutomini, Yi ta tshama exikarhi ka lavo tlhariha.

Swivuriso 15:33

Xichavo xa Yehovha i xikolo xa va vutlhari, Ku titsongahata ku rhangela ku dzunisiwa.

Eklesiasta 7:5

Swi sasekile loko munhu a yingisela ku holovela ka lavo tlhariha ku ri ni ku yingisela risimu ra swihunguki.

Esaya 3:9

Nghohe ya mimombo ya vona ya va avanyisa, va twarisile swidyoho swa vona tanihi Sodoma, kutani a va vuyangi va fihla, ku ni khombo eka mimoya ya vona hikuva hi vona lava tilaveleke ku lova ka vona.

Swivuriso 10:17

Ku tsundzuka dyondzo i ndlela ya vutomi, Kambe loyi a alaka ku tshinyiwa wa lahleka.

Swivuriso 19:20

Yingisela ku byeriwa, u amukela ku laya, U ta tlhariha mundzuku.