Swivuriso 15:30 - Xitsonga (Bibele)

³⁰ Leswi tsakisaka mahlo swi tsakisa mbilu, Ku byeriwa swo nandziha ku tiyisa marhambu.

BIBELE Mahungu Lamanene

³⁰ Nghohe leyi n'wayitelaka, ya tsakisa, mahungu lamanene ma tiyisa nhlana.

Swivuriso 15:30 Referans Kwoze

Esaya 58:11

Kutani Yehovha u ta ku fambisa hi masiku, u ta xurhisa moya wa wena exikarhi ti ka mananga lama hisaka. Kutani u ta nyika marhambu ya wena matimba u ta va tanihi ntanga lowu cheletiweke swinene, kukotisa xihlovo lexi mati ya xona ma nga phyiki.

Swivuriso 25:25

Timhaka to nandziha leti humaka etikweni ra le kule, Ti kota mati ya ku tenga eka munhu la karheleke.

Nhlavutelo 22:5

Kutani vusiku a byi nga ha vi kona, a va nga ha pfumari ku vonakala ka rivoni, hambi ku ri ku vonakala ka dyambu, hikuva Hosi Xikwembu xi ta va voningela, kutani va ta fuma hi masiku ni masiku.

Nhlavutelo 21:23

Kutani muti a wu na ku voningiwa hi dyambu ni n'weti, hikuva wu voningiwa hi ku kwetsima ka Xikwembu, na xona Xinyimpfana i rivoningo ra wona.

Eklesiasta 11:7

Hakunene ku vonakala ka nandziha, kutani mahlo ma rhandza ku vona dyambu.

Swivuriso 17:22

Mbilu leyi tsakeke i murhi lowu tiyisaka, Kasi moya lowu dyaka mbitsi wu omisa marhambu.

Swivuriso 13:9

Ku vonakala ka lavo lulama i ku tsaka, Kambe rivoni ra lavo biha ra timeka.

Pisalema 89:15

Ku katekile tiko leri tivaka mpfumawulo wa nanga! Ri famba eku vonakaleni ka mombo wa wena, Yehovha.

Ezra 9:8

Kutani sweswi, Yehovha, Xikwembu xa hina, xi hi tsetselela hi nkarhinyana, leswaku xi hi siyela masalela ma nga ri mangani, ni ku hi nyika mhandze exivandleni xa xona lexi hlawuriweke, leswaku Xikwembu xa hina xi tlhela xi rhendzeleta mahlo ya hina, ni ku pfuxa vutomi bya hina switsanana eku bohiweni ka hina.

Swivuriso 3:8

Wu ta va murhi enkaveni wa wena, Ni mongo emarhambyini ya wena.

Swivuriso 15:29

Yehovha u tshama ekule ni lavo biha, Kambe u yingisa mikhongelo ya lavo lulama.

Swivuriso 15:31

Ndleve leyi yingisaka ku layiwa loku yisaka evutomini, Yi ta tshama exikarhi ka lavo tlhariha.

Swivuriso 12:25

Ku kanakana, loko ku ri embilwini ya munhu, ka n'wi tova, Kambe rito lerinene ra n'wi tsakisa.