Swivuriso 15:28 - Xitsonga (Bibele)

²⁸ Mbilu ya la lulameke yi anakanya a nga si hlamula, Kambe milomu ya lavo biha yi humesa swo biha!

BIBELE Mahungu Lamanene

²⁸ Munhu wo lulama, ú sungula a ehleketa a nga si hlamula, kasi emilon'wini ya lavo homboloka, ku khuluka manyala ntsena.

Swivuriso 15:28 Referans Kwoze

1 Petro 3:15

kambe mi hlawula Hosi, a nga Kriste, etimbilwini ta n'wina, mi tilunghisa hi masiku ku tihlamulela hi musa ni xichavo eka hinkwavo lava mi vutisaka ku tshemba ka n'wina;

Swivuriso 29:11

Xihunguki xi humesa hinkwaswo swa mbilu ya yena, Kambe wa ku tlhariha wa tihlayisa ni ku tikhoma.

Eklesiasta 5:2

U nga tshuki u hatlisisa nomu wa wena, mbilu ya wena yi nga tshuki yi hatlisa ku vulavula mhaka emahlweni ka Xikwembu, hikuva Xikwembu xi le matilweni kasi wena u la emisaveni; loko swi ri tano, marito ya wena ma nga tshuki ma tala.

Swivuriso 15:2

Nomu wa lavo tlhariha wu nandzihisa ku tiva, Kambe nomu wa swihunguki wa humesa vuhunguki.

Matewu 12:34

“Vana va timhiri, mi nga vurisa ku yini timhaka letinene, leswi mi nga ni nsele! Hikuva milomu yi vula leswi mbilu yi teleke swona.

Eklesiasta 5:6

U nga tshuki u tshiketa nomu wa wena wu yisa nyama ya wena exidyohweni, u nga tshuki u vula emahlweni ka ntsumi [ya Xikwembu] leswaku u hoxile ntsena. Hikuva Xikwembu a xi ta karihela yini rito ra wena, a xi ta onhela yini ntirho wa mavoko ya wena-ke?

Swivuriso 29:20

U tsundzukile xihatli xana? Xihunguki xi nga tshembeka ku tlula xona.

Swivuriso 16:23

Mbilu ya la tlhariheke yi tlharihisa nomu wa yena, U tiyisa tidyondzo hi ku vulavula ka yena.

Swivuriso 13:16

Muxiyaxiyi u endla hinkwaswo hi ku tiva, Kambe xihunguki xi tivisa vuhunguki bya xona.

Swivuriso 10:19

Eku vulavuleni loko tala, ku dyoha a ku pfumaleki, Hikwalaho, la tikhomaka nomu u tlharihile.

2 Petro 2:18

Hikuva hi ku vulavula timhaka ta manyunyu, ni ta hava, va rhiya hi ku navela ka nyama ni manyala, vanhu lava ha ku fularhelaka lava hanyaka eku hungukeni.

Pisalema 59:7

Waswivo, milomu ya vona yi halata leswo biha, Matlhari ma le milon'wini ya vona. Hikuva va ri: “I mani la hi yingisaka?”

Swivuriso 10:32

Milomu ya lavo lulama yi tiva leswi tsakisaka, Kambe milomu ya lava nga lulamangiki yi tiva ku homboloka ntsena.