Swivuriso 15:27 - Xitsonga (Bibele)

²⁷ La navelaka bindzu ra ku phanga u karhata yindlu ya yena, Kambe la vengaka tinyiko u ta hanya.

BIBELE Mahungu Lamanene

²⁷ Munhu loyi a nga ni makwanga, ú vangela muti wa yena ekhombo, kambe loyi a alaka ku xaviwa, ú ta hanya.

Swivuriso 15:27 Referans Kwoze

Swivuriso 1:19

Hi yona mhaka ya hinkwavo lava tinyiketaka rifuwo, Hikuva ri khoma moya wa lava ri fuwaka.

Eksoda 23:8

U nga tshuki u amukela tinyiko, hikuva i xilo lexi pfalaka mahlo ya lava vonaka ni ku hombolokisa timhaka ta lava lulameke ehubyeni.

Yeremiya 17:11

Loyi a hlengeletaka rifuwo hi mukhuva lowu nga lulamangiki, i n'hwari leyi fukamelaka leswi nga tshikeriwangiki hi yona; exikarhi ka masiku ya yena u ta swi tshika, kutani eku heleni ka yena, u ta va xihunguki.

Swivuriso 11:29

La pfilunganyaka yindlu ya yena, ndzhaka ya yena yi ta va mheho ntsena, Xihunguki xi ta va nandza wa munhu wa mbilu yo tlhariha.

Duteronoma 16:19

U nga tshuki u voyamisa ku lulama; u nga tshuki u ya hi nghohe ya vanhu, kambe u nga tshuki u amukela tinyiko, hikuva nyiko yi phumerisa mahlo ya tintlhari, kambe yi onha timhaka ta lavo lulama.

Eksoda 18:21

U hlawula exikarhi ka tiko hinkwaro vavanuna lavanene, lava chavaka Xikwembu, vavanuna lava lulameke, lava vengaka bindzu leri nga lulamangiki; u va veka tindhuna ta madzanadzana, ni ta madzana, ni ta ntlhanu na makume, ni ta makume;

Swivuriso 29:4

Hi ku lulama, hosi yi tiyisa tiko, Kambe la amukelaka tinyiko wa ri hlanhla.

Swivuriso 28:16

Mufumi la kalaka miehleketo i muxanisi lonkulu, Kambe la vengaka ku dya vanhu u ta engeteleriwa masiku ya yena.

Swivuriso 20:21

Ndzhaka leyi kumiwaka hi ku dyoha eku sunguleni, Yi nga ka yi nga katekisiwi eku heleni.

Swivuriso 11:19

Ku lulama ka xiviri ku yisa evutomini, Loko a ri loyi a landzelaka swo biha u tsutsumela eku feni.

2 TIHOSI 5:27

Nhlokonho ya Naamani yi ta ku namarhela wena, ni vana va wena hi laha ku nga heriki.” Kutani Gehazi a huma emahlweni ka yena, a tele nhlokonho leyi fanaka ni gamboko.

Yoxuwa 6:18

Ntsena, loko mi ri n'wina, chavani leswo yila leswaku mi nga tshuki mi tiyirisa hi ku teka swo yila, mi nga yirisi mixaxa ya Israele, ni ku yi pfilunganya.

Duteronoma 7:26

U nga tshuki u nghenisa leswi yilaka endlwini ya wena, leswaku u nga tshuki u yila kukotisa swilo leswo; u ta swi chava ngopfungopfu, ma ta va manyala eka wena, hikuva swa yila.

1 Timotiya 6:9

Kambe lava rhandzaka ku fuwa, va wela emiringweni, ni le ntlhan'wini, ni le ku naveleni loko tala ka vuphukuphuku loku onhaka, loku nwerisaka vanhu eku loveni ni le ku lahlekeni.

1 Timotiya 6:10

Hikuva rirhandzu ra rifuwo i rimitsu ra vudyoho hinkwabyo; van'wana, hi ku ri navela, va lahlekeriwe hi ku pfumela, kutani va titlhavile hi mahlomulo layo tala.

1 SAMIELE 12:3

Hi mina loyi; ndzi landzuleni emahlweni ka Yehovha, ni le mahlweni ka muhlawuriwa wa yena: Ndzi tekile homu ya mani xana? Ndzi tekile mbhongolo ya mani xana? Ndzi dyelele mani? Ndzi xanisile mani? Ndzi khandlile mani? Ndzi amukerile tinyiko emavokweni ya mani leswaku ndzi pfala mahlo ehenhla ka yena ndzi ta mi tlherisela swona!”

Swivuriso 15:26

Meehleketo leyo biha i manyala eka Yehovha, Kambe marito lamanene ma tengile emahlweni ka yena.

Swivuriso 23:4

U nga tikarhati ku hlengeleta rifuwo, Tshika ku anakanya rona.

Swivuriso 28:25

Moya lowu tikukumuxaka wu pfuxa mholovo, Kambe la tshembaka Yehovha u ta xurha.

1 TIHOSI 2:40

Kavaloko Ximeyi a pfuka, a pana mbhongolo ya yena, a ya eGati, eka Akixi, ku lava malandza ya yena; sweswo Ximeyi a famba a vuyisa malandza ya yena hi le Gati.

Pisalema 15:5

A nga lombi mali ya yena hi bindzu, Kambe a nga amukeri tinyiko, a ta avanyisa la nga riki na nandzu. La endlaka sweswo a nga ka a nga tsekatsekisiwi, ni siku ni rin'we.