Swivuriso 15:15 - Xitsonga (Bibele)

¹⁵ Eka munhu wa nhlomulo, masiku ma bihile hinkwawo; Kambe mbilu leyi tsakeke i nkhuvo wa masiku.

BIBELE Mahungu Lamanene

¹⁵ Masiku hinkwawo, swisiwana swi hanya enhlomulweni, kasi ku va ni mbilu leyi tsakeke, i nkhuvo lowu nga heriki.

Swivuriso 15:15 Referans Kwoze

2 Vakorinto 6:10

ingi hi ni tingana, kasi hi tsakile hi masiku; ingi hi swisiwana, kasi hi fuwisa lavo tala; ingi a hi na nchumu, kasi hi fuwile swilo hinkwaswo.

Varhoma 12:12

Tsakani eku languteleni, mi yingisela emaxangwini, mi chivirikela eku khongeleni.

Swivuriso 15:13

Mbilu leyi tsakeke yi basisa mombo, Kambe moya wo tshoveka, i ku vava ka mbilu.

Swivuriso 17:22

Mbilu leyi tsakeke i murhi lowu tiyisaka, Kasi moya lowu dyaka mbitsi wu omisa marhambu.

Varhoma 5:11

A hi leswi ntsena kambe hi ni ku tidzunisa eka Xikwembu ha Hosi ya hina Yesu Kriste, loyi hi nyikiweke, ni sweswi, ku hlanganisiwa ha yena.

2 Vakorinto 1:5

hikuva kukota leswi maxangu ya Kriste ma hi taleleke, na kona, ku chaveleriwa ku hi talele ha Kriste!

Timhaka 16:25

Evusikwini lebyikulu, Pawulo na Silasi, a va khongela, va yimbelelela Xikwembu tinsimu; kutani lava nga khotsiwa va va yingisa.

1 Petro 4:13

kambe mi titsakela hi leswi mi nga ni ku averiwa eku vavisekeni ka Kriste, leswaku mi ta engeta mi tsaka hi ku tsaka lokukulu, siku ku kwetsima ka yena ku taka eku vonakaleni.

Swivuriso 16:22

Ku twisisa i xihlovo xa vutomi eka lava ku fuweke, Kambe swihunguki swi layiwa hi vuphukuphuku.

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

Genesa 47:9

Yakobo a ku eka Faro: “Masiku ya ku hanya ka mina i malembe ya dzana ni makume manharhu, kambe masiku ya ku hanya ka mina ma komanyanile, ma vuya ma biha; a ndzi fikanga emasikwini ni le malembeni ya vatatana, emikarhini ya ku hanya ka vona.”

Genesa 37:35

Kutani vana va yena hinkwavo va xinuna ni va xisati va ta n'wi chavelela, kambe a ala ku chaveleriwa, a ku: “Ndzi ta xikela exivandleni xa va ku fa eka n'wananga, ndzi ri karhi ndzi rila.” Tata wa yena a n'wi rilela sweswo.

Swivuriso 15:14

Mbilu ya munhu wo tlhariha yi lava vutivi, Kambe milomu ya swihunguki yi dya vuhunguki.

Swivuriso 15:16

Rifuwonyana leri nga ni ku chava Yehovha, Ri tlurisa rifuwo lerikulu leri nga ni mikarhateko.