Swivuriso 15:12 - Xitsonga (Bibele)

¹² Musandzi a nga rhandzi ku tshinyiwa A nga hlangani ni lavo tlhariha.

BIBELE Mahungu Lamanene

¹² Musandzi a nga swi lavi ku tshinyiwa, a nge pfuki a yile eka lavo tlhariha.

Swivuriso 15:12 Referans Kwoze

Amosi 5:10

Va venga la tsundzuxaka ehubyeni, va yila lava vulavulaka hi ku lulama.

Ntirho 21:14

Hambiswiritano, va ku eka Xikwembu: ‘Suka eka hina, A hi rhandzi ku tiva tindlela ta wena.

2 Timotiya 4:3

Hikuva ku ta humelela nkarhi lowu vanhu va nga taka va nga yingiseri dyondzo leyi hanyisaka; kambe hi ku navela ka vona, va ta tihlengeletela vafundhisi, va ri karhi va tiphumunha tindleve,

Yohane 7:7

Misava yi nga ka yi nga mi vengi, kambe mina ya ndzi venga hikuva ndzi vula vumbhoni leswaku mitirho ya yona yi bihile.

Swivuriso 15:10

Ku laya ku vavisa la hambukeke ndlela; La vengaka ku tshinyiwa u ta lova.

2 TIKRONIKA 18:7

Hosi ya Israele yi hlamula, yi ku eka Yoxafati: “Ka ha sele munhu un'we loyi hi nga vutisaka Yehovha ha yena, kambe ndza n'wi venga, hikuva a nga ndzi bvumbheli leswinene ni siku ni rin'we, kambe u ndzi bvumbhela leswo biha hi masiku; i Mikaya, n'wana Imila.” Yoxafati a ku: “Hosi yi nga tshuki yi vurisa sweswo!”

Swivuriso 13:1

N'wana wo tlhariha u yingisela tidyondzo ta tata wa yena, Kambe musandzi a nga yingisi ku layiwa.

Swivuriso 1:22

“N'wina, varivali, mi ta rhandza ku rivala ku yisa kwihi? Xana vasandzi va ta tsakela ku sandza, Ni va rihuhu va ta venga vutivi ku yisa kwihi xana?

Swivuriso 14:6

Musandzi u lava vutlhari, kambe a nga byi kumi, Kasi mano ma kumeka hi ku olova hi lava nga ni ku twisisa.