Swivuriso 14:7 - Xitsonga (Bibele)

⁷ Hambana ni xihunguki, Hikuva a ku na vutivi emilon'wini ya xona.

BIBELE Mahungu Lamanene

⁷ Hambana ni xiphunta, hikuva a xi nga ku dyondzisi nchumu!

Swivuriso 14:7 Referans Kwoze

Swivuriso 13:20

La fambaka ni tintlhari u ta tlhariha, Kambe la tolovelaka swihunguki u ta onhaka.

Vaefesa 5:11

kambe mi nga tshuki mi va ni mhaka emitirhweni ya munyama leyo-ke mihandzu, kambe mi yi sandza:

1 Vakorinto 5:11

Kambe sweswi, ndzi mi tsalela leswaku mi nga tshuki mi tolovelana ni la tivulaka makwenu, kambe a ri muoswi, kumbe la navelaka rifuwo, ni loko a ri la gandzelaka swikwembu swahava, ni loko a ri mulumbeti, kumbe mupyopyi, kumbe khamba; mi nga tshuki mi dya ni lowo tano.

Swivuriso 9:6

Tshikani ku rivala mi ta hanya, Mi famba endleleni ya vutlhari!”

Swivuriso 19:27

N'wananga, tshika ku yingisela tidyondzo Loko ti ku fularhelisa timhaka ta vutlhari.

Swivuriso 14:6

Musandzi u lava vutlhari, kambe a nga byi kumi, Kasi mano ma kumeka hi ku olova hi lava nga ni ku twisisa.

Swivuriso 23:9

U nga tshuki u vulavula etindleveni ta xihunguki, Hikuva xi ta sola ku tlhariha ka timhaka ta wena.

Yeremiya 28:11

Kutani Hananiya a vulavula emahlweni ka tiko hinkwaro, a ku: “Ku vula Yehovha, ndzi ta tshova sweswo joko ra Nebukadnetsara, hosi ya Babilona, enhan'wini ya tiko hinkwaro, malembe mambirhi loko ma herile,” kutani muprofeta Yeremiya a famba hi ndlela ya yena.