Swivuriso 14:6 - Xitsonga (Bibele)

⁶ Musandzi u lava vutlhari, kambe a nga byi kumi, Kasi mano ma kumeka hi ku olova hi lava nga ni ku twisisa.

BIBELE Mahungu Lamanene

⁶ Musandzi ú lava vutlhari, kambe a nga byi kumi, munhu la twisisaka, ú kuma vutivi hi ku olova.

Swivuriso 14:6 Referans Kwoze

Yakobo 1:5

Loko un'wana wa n'wina a pfumala vutlhari, a a kombele eka Xikwembu lexi nyikaka hinkwavo hi nsovo, xi nga holovi, kutani u ta nyikiwa.

1 Vakorinto 8:2

Loko munhu a ringanisa leswaku u tiva nchumu, a nga si wu tiva hilaha a faneleke ku tiva hakona.

Swivuriso 8:9

Hinkwaswo swa twakala eka munhu la nga ni ku anakanya, Swi lulamile eka lava kumaka vutivi.

Yeremiya 8:9

Lavo tlhariha va ta khomiwa hi tingana, va ta rhurhumela, kutani va ta khomiwa va sandzile rito ra Yehovha, va ni vutlhari byihi-ke?

Esaya 8:20

A hi tlheleleni enawini ni le vumbhonini. Kungakuloko ku nga yiwi hi rito leri, tiko a ri nga ha tsuvukeriwi hi vurhonga byin'wana!

Swivuriso 26:12

Xana u vone munhu la tivonaka vutlhari? Wa rihuhu u tshembeka ku tlula yeloyi.

Swivuriso 18:2

Lexi tsakisaka xihunguki a hi ku fuwa vutlhari, Kambe i ku humesa leswi nga embilwini ya xona.

Swivuriso 17:24

Wa ku anakanya u langutisisa vutlhari emahlweni ka yena, Kambe mahlo ya xihunguki ma rhalarhala emakumu ya misava.

Pisalema 119:18

Hanyanyisa mahlo ya mina, Ndzi ta vona mahlori enawini wa wena!

Swivuriso 1:5

La tlhariheke, a a yingise, u ta tiengetela ku tiva; La nga ni ku twisisa u ta tikumela mano

Swivuriso 14:5

Mbhoni yo tshembeka a yi vulavuri vunwa, Kambe mbhoni yo hemba yi vula mavunwa ntsena.

Swivuriso 14:7

Hambana ni xihunguki, Hikuva a ku na vutivi emilon'wini ya xona.

Swivuriso 24:7

Vutlhari byi tlakukile, byi tlula xihunguki; Ehubyeni a xi na nomu.

Swivuriso 8:8

Ku vulavula hinkwako ka nomu wa mina ku lulamile, Eka wona, ku hava ku xisa ni ku hambuka;

Swivuriso 15:12

Musandzi a nga rhandzi ku tshinyiwa A nga hlangani ni lavo tlhariha.

Swivuriso 17:16

Mali yi pfuna yini evokweni ra xihunguki-ke? Xana i ku xava vutlhari-ke? Kambe xi pfumala mbilu.