Swivuriso 14:3 - Xitsonga (Bibele)

³ Enon'wini wa xihunguki ku ni nkhavi wa ku ba ku tikukumuxa ka xona, Kambe milomu ya lavo tlhariha ya va hlayisa.

BIBELE Mahungu Lamanene

³ Ku vulavula ka xiphukuphuku ku xi nghenisa etimhakeni, kasi marito ya lavo tlhariha ma va sirhelela.

Swivuriso 14:3 Referans Kwoze

Swivuriso 12:6

Marito ya lavo biha i marindzi ya ku halata ngati, Loko yi ri milomu ya lava lulameke ya va kutsula.

Nhlavutelo 12:11

Va n'wi hlurile hi ngati ya Xinyimpfana, ni rito ra vumbhoni bya vona, kutani a va rhandzangi vutomi bya vona, ku yisa eku feni.

Nhlavutelo 3:10

Leswi u hlayiseke Rito ra ku tiyisela ka mina, na mina ndzi ta ku hlayisa enkarhini wa ndzingo lowu nga ta humelela emisaveni hinkwayo ku ta ringa lava akeke emisaveni.

2 Petro 2:18

Hikuva hi ku vulavula timhaka ta manyunyu, ni ta hava, va rhiya hi ku navela ka nyama ni manyala, vanhu lava ha ku fularhelaka lava hanyaka eku hungukeni.

Daniele 7:20

ni le matshan'weni ya timhondzo leta khume leti ngi ti ri enhlokweni ya xona, ni le matshan'weni ya rin'wana leri humeleleke, leri tin'wana tinharhu a ti wile emahlweni ka rona, ri nga rona rimhondzo leri ngi ri ri ni mahlo, ni nomu lowu vulavulaka hi ku tikurisa, leri vonakalaka ku hundzisa tin'wana.

Swivuriso 28:25

Moya lowu tikukumuxaka wu pfuxa mholovo, Kambe la tshembaka Yehovha u ta xurha.

Swivuriso 22:8

La byalaka ku homboloka u ta tshovela maxangu, Kutani nhonga ya vukari bya yena yi ta hela.

Swivuriso 21:24

Musandzi i vito ra munhu la tikukumuxaka ni wa manyunyu; U endla hinkwaswo hi ku kariha ni ku tikurisa.

Swivuriso 18:6

Nomu wa xihunguki wu n'wi nghenisa etimholoveni, Kutani ririmi ra yena ri n'wi rhambela nhonga.

Pisalema 57:4

Moya wa mina wu le xikarhi ka tinghala; Ndzi etlele exikarhi ka valala lava hlantaka ndzilo, Exikarhi ka vanhu lava meno ya vona ma nga matlhari ni miseve, Lava tindzimi ta vona ma nga mabanga layo kariha.

Pisalema 12:3

Yehovha u ta herisa milomu leyi yengaka, Ni ririmi leri tisaselaka hi leswikulu,

Ntirho 5:21

U ta sirheliwa eku biweni ka ririmi, U nga ka u nga chavi ku onhaka loko ku fikile.

1 SAMIELE 2:3

Mi nga ha tarisi marito ya n'wina ya ku tikurisa; Ku tikukumuxa ku nga ha humi emilon'wini ya n'wina; Hikuva Yehovha i Xikwembu lexi nga ni vutivi, Hi yena la ringanisaka maendlelo ya vanhu.

Pisalema 31:18

Milomu leyi hembaka, a yi hundzuke ya mbheveve, Leyi sandzaka la lulameke, Leyi vulavulaka hi ku tikukumuxa ni ku sola!

Swivuriso 14:4

Laha tihomu ku nga hava, na rona tshanga ri omile, Kambe matimba ya tihavi ma engetela rifuwo.

Swivuriso 13:3

La tikhomaka nomu u hlayisa moya wa yena, Kambe la tshamaka a ahlamisa nomu wa yena, u ta wela eku loveni.

Swivuriso 18:7

Nomu wa xihunguki i ku onhaka ka xona, Kambe ririmi ra xona i ntlhamu eka moya wa xona.