Swivuriso 14:28 - Xitsonga (Bibele)

²⁸ Ku twala ka hosi i ku tala ka vanhu, Kambe ku pfumaleka ka vanhu i ku onhaka ka n'wana wa hosi.

BIBELE Mahungu Lamanene

²⁸ Hosi i vanhu, laha ku nga riki na vanhu, vuhosi bya hela.

Swivuriso 14:28 Referans Kwoze

2 TIHOSI 13:7

Hikuva Yehovha a a siyele Yowahazi nyimpi ya ntlhanu wa makume wa vakhandziyi va tihanci ntsena, ni tigolonyi ta khume, ni vavanuna lava fambaka hi milenge va 10 000; hikuva hosi ya Siriya a yi herisile Vaisraele, yi va endlile kukotisa ntshuri lowu kandziyeriwaka.

Eksoda 1:22

Kutani Faro a lerisa tiko ra yena hinkwaro, a ku: “Vandzisanyana hinkwavo lava nga ta velekiwa, va cukumeteni enambyeni; kambe vanhwanyana hinkwavo, mi va tshika va hanya.”

1 TIHOSI 20:27

Vana va Israele va kambiwa, na vona, va nyikiwa timbuva, kutani va famba ku ya hlangana ni Vasiriya. Vana va Israele va gova va langutene na vona va fana ni mitlhambinyana mimbirhi ya timbuti kambe Vasiriya va tate tiko.

Eksoda 1:12

Kambe, loko va xanisiwa sweswo, hi loko va andza ngopfu, va tala. Kutani vana va Israele va vengiwa hakona.

2 SAMIELE 19:7

Sweswi, pfuka u huma, u ya vulavula eka timbilu ta malandza ya wena; hikuva ndza hlambanya hi vito ra Yehovha leswaku loko u nga humi, ku nga ka ku nga sali munhu na wena nivusiku lebyi, kutani khombo leri, ri ta tlula eka wena, makhombo hinkwawo lama ku humeleleke, ku suka evuntshweni bya wena ku fika sweswi.”

Swivuriso 14:27

Ku chava Yehovha i xihlovo xa vutomi Ku tingawurisa vanhu emakheleni ya rifu.

Swivuriso 14:29

La hlwelaka ku kariha u ni ku anakanya lokukulu, Kambe wa mbilu ya tihanyi, u tshovela vuhunguki.

2 SAMIELE 24:3

Yowabu a ku eka hosi: “Yehovha, Xikwembu xa wena, a xi engetele vanhu va tiko eka dzana, kutani mahlo ya hosi, n'wini wanga, a ma swi vone! Kambe hosi, n'wini wanga yi rhandzela yini ku endla sweswo xana?”

Yeremiya 13:20

“Yimisa mahlo ya wena, u languta lava humaka en'walungwini! Wu kwihi ntlhambi lowu ngi u wu nyikiwile, ntlhambi wa ku twala ka wena?