Swivuriso 14:18 - Xitsonga (Bibele)

¹⁸ Ndzhaka ya varivali i ku rivala, Kambe va ku anakanya va tirhwexa harhi ya vutivi.

BIBELE Mahungu Lamanene

¹⁸ Hakelo ya vanhu vo kala mano, i vuphukuphuku, kasi vutivi i harhi enhlokeni ya lava nga ni miehleketo.

Swivuriso 14:18 Referans Kwoze

1 Petro 1:18

Ma swi tiva leswaku mi kutsuriwile emikhuveni ya n'wina ya swahava, leyi mi yi dyondzisiweke hi vatata wa n'wina,

1 Petro 5:4

Kutani loko murisi lonkulu a ta humelela, mi ta amukela harhi leyi nga boriki ya ku kwetsima.

2 Timotiya 4:8

leswi seleke hileswaku harhi ya ku lulama yi ndzi tshamele, leyi Hosi yi nga ta ndzi nyika siku lero, yena a nga muavanyisi lowo lulama; kambe a nga ka a nga nyiki mina ntsena, kambe hinkwavo lava nga ta va va rhandzile ku humelela eka yena.

Daniele 12:3

Lavo tlhariha va ta vangama kukotisa ku vangama ka le matilweni, kutani lava dyondziseke lavo tala eku lulameni, va ta fana ni tinyeleti hi mikarhi ni mikarhi, hilaha ku nga heriki.

Yeremiya 44:17

kambe hi ta endla hinkwaswo leswi humeke emilon'wini ya hina, hi ta humesela nkosikazi ya matilo mirhi ya risuna, hi yi chelela swakunwa, hilaha hi endleke hakona, hina ni vatata wa hina, tihosi ta hina ni tihosana ta hina, emitini ya Yuda ni le mitsendzeleni ya Yerusalema; enkarhini wolowo a hi xurha hi vuswa; a hi tsaka, hi nga voni makhombo.

Yeremiya 16:19

Oho Yehovha, matimba ya mina, ni khokholo ra mina, ni xichavelo xa mina hi siku ra mahlomulo! Matiko ma ta ta eka wena, ma huma emakumu ka misava, kutani ma ta ku: “Kunene, vatata wa hina va fuwile vunwa ni vuhava lebyi nga riki na ku pfuna nchumu.

Swivuriso 3:35

Lavo tlhariha va ta dya ndzhaka ya xichavo, Loko swi ri swihunguki, ku twala ka swona i tingana.

Swivuriso 14:17

Munhu la angwetlaka ku kariha u endla swo hunguka, Wa timhaka ta lunya wa vengiwa.

Swivuriso 14:19

Lavo biha va korhamela emahlweni ka lavanene, Ni va mona etinyangweni ta lavo lulama.