Swivuriso 14:14 - Xitsonga (Bibele)

¹⁴ Wa mbilu leyi tidyelelaka u ta phiriwa hi mikhuva ya yena, Kambe la lulameke u ta xurha hi leswi nga embilwini ya yena.

BIBELE Mahungu Lamanene

¹⁴ Loyi a nga ni mahanyelo yo biha, ú tshovela mihandzu ya swiendlo swa yena, na yena lonene, ú vuyeriwa hi mihandzu ya mintirho ya yena.

Swivuriso 14:14 Referans Kwoze

Vagalatiya 6:8

la byalelaka nyama ya yena, u ta tshovela enyameni leswo bola; kambe la byalelaka Moya, u ta tshovela eMoyeni vutomi lebyi nga heriki.

Swivuriso 12:14

Hi ta nomu wa yena, munhu u ta xurha vunene, Leswi mavoko ya munhu ma swi tirhaka swi ta tlheriseriwa eka yena.

Vaheveru 3:12

Tivoneleni, vamakwerhu, leswaku ku nga tshuki ku va na un'we exikarhi ka n'wina loyi mbilu ya yena yi nga leyo biha, yi tiarisaka, yi fularhela Xikwembu lexi hanyaka,

Yeremiya 8:5

Tiko leri ra Yerusalema, ri hambuka hikwalaho ka yini hi ku hambuka loku nga heriki xana? Va titiyisa hi mano ya vona ha yini, kutani va alela yini ku hundzuka xana?

Vagalatiya 6:4

kambe un'wana ni un'wana a a ringe ntirho lowu nga wa yena, kutani hi kona a nga ta va ni nkarhi wa ku tidzunisa emianakanyweni ya yena, ku nga ri ku tifanisa ni van'wana;

Yohane 4:14

Kasi un'wana ni un'wana la nwaka mati lawa ndzi n'wi nyikaka wona, a nga ka a nga ha tlheli a twa torha ni siku ni rin'we; kambe mati walawo a nyikiwaka hi mina, xi ta va eka yena, xihlovo xa mati lama khulukelaka evutomini lebyi nga heriki.” Wansati a ku eka yena:

Yeremiya 2:19

U ta holoveriwa hi ku biha ka wena, u ta biwa hi ku hundzuka ka wena; u ta tiva, u va u vona leswaku ku tshika Yehovha, Xikwembu xa wena, ni ku ka u nga n'wi chavi, i mhaka leyo biha,” ku vula Hosi, Yehovha wa tinyimpi.

Sofoniya 1:6

ni lava tlheleke ndzhaku ka Yehovha, ni lava nga lavangiki Yehovha, va nga n'wi vutisisangiki.”

Yeremiya 17:5

Yehovha a ku: “Ku rhuketeriwe munhu la titshembelaka munhu, la endlaka nyama matimba ya yena, loyi mbilu ya yena yi fularheleke Yehovha.

Swivuriso 14:10

Mbilu yi titivela ku vava ka yona, Ni ku tsakisisa ka yona ku nga ka ku nga kumiwi hi un'wana.

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

Hosiya 4:16

Hikuva Israele wa tiarisa u fana ni thokazi leri nga xitlalu. Sweswi, Yehovha u ta va risa ku fana ni xinyimpfana emananga.

Ezekiele 22:31

Hikwalaho ndzi ta chela vukari bya mina ehenhla ka vona; ndzi va lovisa hi ndzilo wa vukari bya mina, ndzi veka nandzu wa tindlela ta vona etinhlokweni ta vona, ku vula Hosi Yehovha.”

Pisalema 109:17

U rhandzile ndzhukano: wu n'wi wele ehenhla! A nga tsakelanga nkateko: a wu ve kule na yena!

Swivuriso 9:12

Loko u tlhariha, u ta pfuniwa hi vutlhari bya wena; Kambe loko u ri musandzi, hi wena swaku u nga ta onhakeriwa.

Swivuriso 12:21

La lulameke a nga teli hi khombo; Kambe lavo biha va talela hi nhlomulo.

Swivuriso 14:15

Murivali u pfumelela marito hinkwawo, Kambe la nga ni ku anakanya u xiya laha a kandziyaka kona.

Swivuriso 18:20

Munhu u xurha hi mihandzu ya ririmi ra yena, U tikhorisa hi leswi humaka enon'wini wa yena.