Swivuriso 13:25 - Xitsonga (Bibele)

²⁵ Munhu wo lulama u dya a xurha swinene, Loko ma ri makhwiri ya lavo biha, ma twa ndlala.

BIBELE Mahungu Lamanene

²⁵ Munhu wo lulama ú dya a xurha, khwiri ra lowo homboloka rona, ri etlela ni ndlala.

Swivuriso 13:25 Referans Kwoze

Pisalema 34:10

Swinghalana swi nga pfumala, swi nga va ni ndlala, Kambe lava lavaka Yehovha a va nga kiyeriwi hi leswinene.

Swivuriso 10:3

Yehovha a nga tshiki la lulameke a twa ndlala, Kambe wa bakanya ku navela ka lavo biha.

Vaheveru 13:5

Mikhuva ya n'wina yi nga tshuki yi va ya ku navela xuma, kambe mi kolwa hi leswi mi nga na swona, hikuva Xikwembu, hi xiviri xa xona, xi te: “Ndzi nga ka ndzi nga ku tshiki ndzi nga ka ndzi nga ku lahli.”

1 Timotiya 4:8

Hikuva ku titiyisa emirini swa pfunanyana; kambe vukhongeri byi pfuna hinkwako, byi ni ku tshembisa ka vutomi bya sweswi ni ka lebyi nga ta ta.

Swivuriso 6:11

Vusiwana bya wena byi ta ku wonga kukotisa muendzi, Ni ndlala, kukotisa munhu la hlomeke.

Duteronoma 32:24

Va ta oma hi ndlala, va dyiwa hi ku hisa ka miri Ni ntungu lowo leva ngopfu; Ndzi ta va rhumela meno ya swivandzana, Ni vuxungu bya leswi kokovaka entshurini.

2 Vatesalonika 3:10

Hikuva kakuloko ha ha ri karikwenu, hi tshama hi mi byela, hi ku: Loko un'wana a ala ku tirha, ni ku dya, a nga tshuki a dya.

Swivuriso 24:34

Vusiwana byi ta ta byi ku tshukisa kukota muendzi, Ni ndlala kukota munhu la hlomeke.

Pisalema 37:16

Lexitsongo xa la lulameke Xi tlula ndzalo ya lavo homboloka va ku tala.

Pisalema 37:3

Tshemba Yehovha, u endla leswo lulama, U aka etikweni, u xurha vunene.

Duteronoma 28:48

u ta tirhela valala va wena lava Yehovha a nga ta va rhumela eka wena, u ri ni ndlala ni torha, ni vusweti, ni ku pfumala hinkwaswo; u ta ku vekela joko ra nsimbhi enhan'wini, u ko u herisiwa hi yena.

Luka 15:14

Loko a dyile hinkwaswo, ku wa ndlala leyikulu etikweni rero, kutani a sungula ku pfumala.

Pisalema 103:5

Hi yena la ku xurhisaka hi leswo nandziha eku dyuhaleni ka wena, Vuntshwa bya wena byi ko byi pfuxiwa kukotisa gama.

Pisalema 132:15

Ndzi ta ku nyika ndzalo, Kutani vapfumari va kona ndzi ta va xurhisa hi vuswa;

Swivuriso 13:18

Vusiwana ni tingana i swa la alaka ku layiwa, Kambe la amukelaka ku tshinyiwa u ta dzunisiwa.