Swivuriso 13:1 - Xitsonga (Bibele)

¹ N'wana wo tlhariha u yingisela tidyondzo ta tata wa yena, Kambe musandzi a nga yingisi ku layiwa.

BIBELE Mahungu Lamanene

¹ N'wana la tlhariheke ú yingisa swiletelo swa tata wa yena, kasi musandzi a nga twi ku tshinyiwa.

Swivuriso 13:1 Referans Kwoze

Swivuriso 15:5

Xihunguki xi monya dyondzo ya tata wa xona, Kambe la yingiselaka ku layiwa wa tlhariha.

Swivuriso 15:20

N'wana la yingisaka u tsakisa tata wa yena, Kambe xihunguki xi dyisa mana wa xona mbitsi.

Swivuriso 10:1

N'wana la tlhariheke u tsakisa tata wa yena, Kambe n'wana wo hunguka i nhlomulo eka mana wa yena.

1 SAMIELE 2:25

Kungakuloko munhu a dyohele munhukulobye, Xikwembu xi ta n'wi avanyisa; kambe loko a dyohela Yehovha, i mani la nga ta n'wi khongelela?” Kambe a va yingisangi rito ra tata wa vona, hikuva Yehovha a a rhandza ku va lovisa.

Swivuriso 14:6

Musandzi u lava vutlhari, kambe a nga byi kumi, Kasi mano ma kumeka hi ku olova hi lava nga ni ku twisisa.

Swivuriso 15:12

Musandzi a nga rhandzi ku tshinyiwa A nga hlangani ni lavo tlhariha.

1 TIHOSI 22:43

A famba endleleni hinkwayo ya Asa, tata wa yena; a nga hambukanga, kambe a endla leswo lulama emahlweni ka Yehovha.

Swivuriso 7:24

Hikwalaho, vana vanga, ndzi yingiseni, Mi yingisa marito ya nomu wa mina.

Swivuriso 12:15

Ndlela ya xihunguki yi lulamile emahlweni ya xona, Kambe la amukelaka ku layiwa u tlharihile.