Swivuriso 12:5 - Xitsonga (Bibele)

⁵ Meehleketo ya lavo lulama yi sasekile, Kambe makungu ya lavo biha hi lama kanganyisaka.

BIBELE Mahungu Lamanene

⁵ Makungu ya vanhu lavo lulama i manene, kasi switsundzuxo swa lavo homboloka swa kanganyisa.

Swivuriso 12:5 Referans Kwoze

Esaya 55:7

Lowo biha a a tshike ndlela ya yena, ni wa lunya miehleketo ya yena; a a tlhelele eka Yehovha, la nga ta n'wi twela vusiwana; ni ka Xikwembu xa hina, lexi rivalelaka, ku nga ri hi mpimo.

Pisalema 139:23

Xikwembu, ndzi kambe, u tiva mbilu yanga! Ndzi ringe, u tiva ku anakanya ka mina!

Yeremiya 4:14

Yerusalema, tihlantswe ku biha ka mbilu ya wena, leswaku u ta ponisiwa; mianakanyo leyo biha yi ta tshama ku ri kungani embilwini ya wena xana?

2 Vakorinto 4:2

kambe hi lahlile swilo leswi fihliweka, leswa tingana; kutani a hi fambi hi mano, a hi pfanganyeti rito ra Xikwembu; kambe hi ku veka erivaleni ntiyiso, hi tiendlela ku yimeriwa etimpfalweni ta vanhu hinkwavo, emahlweni ka Xikwembu.

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

Matewu 26:4

va kanela makungu ya ku khoma Yesu hi vutlhari, va ta n'wi dlaya.

Matewu 2:16

Kuteloko Heroda a vone leswaku u kanganyisiwile hi tintlhari, a kariha ngopfu, kutani a rhuma vanhu va ya dlaya vana hinkwavo va Betlehema, ni va tiko hinkwaro ra kona, va malembe mambirhi ni lava va tlhandlamaka, a anakanya nkarhi lowu a nga vutisisa tintlhari.

Swivuriso 24:9

Makungu ya vuhunguki i xidyoho ntsena, Ni musori i manyala eka vanhu.

Swivuriso 11:23

Ku navela ka lavo lulama i swinene ntsena; Ku tshemba ka lavo biha i ku kariha.

Pisalema 119:15

Ndzi rhandza ku anakanya swiletelo swa wena, Ni ku veka tindlela ta wena emahlweni ka mina.

Swivuriso 12:4

Wansati lonene i harhi ya vubombi eka nuna wa yena, Kambe la khomisaka tingana u kotisa ku bola emarhambyini ya yena.

Swivuriso 12:6

Marito ya lavo biha i marindzi ya ku halata ngati, Loko yi ri milomu ya lava lulameke ya va kutsula.

Swivuriso 14:8

Vutlhari bya la tlhariheke, i ku twisisa ndlela ya yena, Kambe vuhunguki bya xihunguki ku xisa ntsena.

Yeremiya 9:3

“Va kongile tindzimi ta vona kukotisa vurha ku copa vunwa; kambe a hi hikwalaho ka ku lulama loko va ri ni matimba laha emisaveni, hikuva loko va huma eku dyoheni kun'wana, va hundzela eku dyoheni kun'wanyana, kutani a va ndzi tivi,” ku vula Yehovha.

Yeremiya 9:5

Un'wana ni un'wana u kanganyisa xaka ra yena, kutani a va vulavuri leswi tiyeke, va dyondzisile tindzimi ta vona ku hemba, va tikarhata eku hombolokeni.