Swivuriso 12:4 - Xitsonga (Bibele)

⁴ Wansati lonene i harhi ya vubombi eka nuna wa yena, Kambe la khomisaka tingana u kotisa ku bola emarhambyini ya yena.

BIBELE Mahungu Lamanene

⁴ Wansati wa migingiriko i harhi ya vuhosi enhlokweni ya nuna wa yena, kasi wansati loyi a khomisaka nuna wa yena tingana, ú fana ni vuvabyi lebyi borisaka marhambu.

Swivuriso 12:4 Referans Kwoze

Swivuriso 14:30

Ku tsaka ka miri i mbilu leyo basa, Kambe mona i ku bola ka marhambu.

Swivuriso 14:1

Wansati la tlhariheke u aka yindlu ya yena, Kambe wa mihoni wa yi hahlula hi mavoko ya yena.

1 Vakorinto 11:11

Hambiswiritano, wanuna a nga le handle ka wansati, ni wansati a nga le handle ka wanuna eHosini.

1 Vakorinto 11:7

Loko a ri wanuna, yena a nga faneli ku funengela nhloko, hikuva i xifaniso ni ku kwetsima ka Xikwembu; kasi wansati, i ku kwetsima ka wanuna.

Swivuriso 21:19

Ku tiakela emananga, Swi tlula ku tshama ni nsati wa timholovo ni wa ku kariha.

Swivuriso 21:9

Ku tiakela emafulelweni ya yindlu, Swi tlula ku tshama endlwini leyikulu ni nsati wa ku leva.

Habakuku 3:16

Ndzi swi twile, kutani miri wa mina wu rhurhumela; eritweni rolero, milomu ya mina yi tsekatseka, ku bola ku nghena emarhambyini ya mina, ndzi ri karhi ndzi rhurhumela, loko ndzi fanekele ku languta ndzi wisile siku lero ra khombo, siku leri tiko ri nga ta hlomeriwa hi la nga ta ta ri hlasela.

Rhuti 3:11

Sweswi, n'wananga, u nga tshuki u chava, hikuva ndzi ta ku endla hinkwaswo leswi u nga ta ndzi byela swona, hikuva huvo hinkwayo ya tiko ra mina yi tiva leswaku u nsati lonene.

Swivuriso 12:5

Meehleketo ya lavo lulama yi sasekile, Kambe makungu ya lavo biha hi lama kanganyisaka.

Swivuriso 18:22

La kumaka nsati wa xiviri u kumile ku kateka; U nyikiwile tintswalo hi Yehovha.

Swivuriso 11:22

Wansati wa xiyimo xo saseka la pfumalaka miehleketo, I sindza ra nsuku enhompfini ya nguluve.

Swivuriso 30:23

Ni wansati la nyenyiweke loko a tshuka a tekiwa, Ni nandzanyana wa wansati loko a dya ndzhaka ya nkosikazi ya yena.

Swivuriso 31:29

A ku: “Vana lavo tala va xisati a ti ri tinhenha, Kambe wena u va tlula hinkwavo.”