Swivuriso 12:25 - Xitsonga (Bibele)

²⁵ Ku kanakana, loko ku ri embilwini ya munhu, ka n'wi tova, Kambe rito lerinene ra n'wi tsakisa.

BIBELE Mahungu Lamanene

²⁵ Ku vilela ku heta munhu matimba, kambe marito lamanene ma n'wi tiyisa.

Swivuriso 12:25 Referans Kwoze

Swivuriso 16:24

Marito yo saseka i xihlenga xa vulombe, Ma tsakisa moya, ma hanyisa marhambu.

Swivuriso 15:13

Mbilu leyi tsakeke yi basisa mombo, Kambe moya wo tshoveka, i ku vava ka mbilu.

Swivuriso 17:22

Mbilu leyi tsakeke i murhi lowu tiyisaka, Kasi moya lowu dyaka mbitsi wu omisa marhambu.

Esaya 50:4

Hosi, Yehovha, u ndzi nyikile ririmi ra mudyondzisi leswaku ndzi ta kota ku tiyisa hi rito ra mina loyi a heleke mbilu, ri xa nimpundzu, a pfuxa ndleve ya mina leswaku ndzi n'wi yingisa hilaha ku yingisaka vadyondzisiwa.

Swivuriso 15:23

Munhu u kuma ku tsaka hi ku hlamula ka nomu wa yena, Kutani rito leri humesiwaka hi nkarhi lowu fanekelaka ra nandziha swonghasi!

Zakariya 1:13

Yehovha a hlamulela ntsumi leyi vulavulaka na mina hi marito lamanene, ni marito ya ku chavelela.

Swivuriso 12:18

La vulaka swahava wa tlhava kukota tlhari; Kambe nomu wa lowo tlhariha wa hanyisa.

Swivuriso 27:9

Mafurha, ni leswi nun'hwelaka ku nandziha, swi tsakisa mbilu; Hi sweswo, ku lerisa loku humaka embilwini ya nakulobye, ka nandziha.

Pisalema 42:11

Moya wa mina, u hele matimba ha yini, u tshukele yini endzeni ka mina? Tshemba Xikwembu, hikuva ndzi ta tlhela ndzi xi dzunisa; Hi xona ku hlayiseka ka mina ni Xikwembu xanga.

Swivuriso 18:14

Mbilu ya munhu yi n'wi tiyisa evuvabyini bya yena, Kambe mbilu leyi tsaneke, yi nga pfuxiwa hi mani?

Swivuriso 25:11

Marito lama vulavuriweke hi nkarhi Ma kotisa malamula ya nsuku entewaneni wa silivhere.

Pisalema 38:6

Ndzi lamele, ndzi vaviseka ngopfu, Siku hinkwaro ndzi famba hi nkosi.

Swivuriso 15:15

Eka munhu wa nhlomulo, masiku ma bihile hinkwawo; Kambe mbilu leyi tsakeke i nkhuvo wa masiku.

Swivuriso 14:10

Mbilu yi titivela ku vava ka yona, Ni ku tsakisisa ka yona ku nga ka ku nga kumiwi hi un'wana.

Swivuriso 12:26

La lulameke u fambisa mianakanyo ya nakulobye, Kambe ndlela ya lavo biha ya va lovisa.

Swivuriso 15:30

Leswi tsakisaka mahlo swi tsakisa mbilu, Ku byeriwa swo nandziha ku tiyisa marhambu.