Swivuriso 12:24 - Xitsonga (Bibele)

²⁴ Voko ra munhu la tirhaka ri ta fuma, Kambe voko ra lolo ri ta tirhela van'wana.

BIBELE Mahungu Lamanene

²⁴ Vanhu va migingiriko va ta va valawuri, kasi lavo loloha va ta rhwexiwa mintirho yo tika.

Swivuriso 12:24 Referans Kwoze

Swivuriso 12:27

Lolo a ri oxi xiharhi xa rona, Kambe ngingi i rifuwo ra munhu leri tiyeke.

Swivuriso 10:4

Lowa voko ro loloha u ta pfumala, Kambe mavoko ya switirhi ma ta va fuwisa.

Swivuriso 17:2

Nandza wa vutlhari u ta fuma n'wana la khomisaka tingana, U ta dya ndzhaka ni vana va hosi ya yena.

Swivuriso 13:4

Mbilu ya lolo yi dyiwa hi ku navela, hambiswiritano, a ri fuwi nchumu Kambe moya wa ngingi wu ta nona.

Swivuriso 22:29

Xana u tsundzukile munhu la gingiritekaka emitirhweni ya yena-ke? U ta yima emahlweni ka tihosi, A nga ka a nga yimi emahlweni ka vanhu ntsena.

Swivuriso 22:13

Lolo ri ri: “Nghala yi kona ehandle! Ndzi nga dlayiwa erivaleni!”

Swivuriso 19:15

Vulolo byi wisela munhu evurhongweni, Kutani moya wa lolo wu ta va ni ndlala.

1 TIHOSI 11:28

Yerobuwamu a a ri nhenha, kutani Solomoni a n'wi vona loko a tirha kutani a n'wi veka mulanguteri wa vatirhi hinkwavo va yindlu ya Yosefa.

Genesa 49:15

A twa ku nandziha ka ku wisa, Ni leswaku misava ya tsakisa; A korhamele ndzhwalo hi khatla, U tiendle nandza la luvaka.

1 TIHOSI 9:21

vana va vona lava seleke endzhaku ka vona etikweni (hikuva vana va Israele va tsandzekile ku va herisa), Solomoni a va lerisa ku va tirhisa mitirho ku fika namuntlha.

1 TIHOSI 12:20

Vaisraele hinkwavo, kuteloko va twile leswaku Yerobuwamu u vuyile, va rhuma, va n'wi vita enhlengeletanweni, kutani va n'wi veka hosi ehenhla ka va Israele hinkwavo. Nyimba ya Yuda ntsena yi landza yindlu ya Davhida.

Vaavanyisi 1:28

Kuteloko Vaisraele va kumile matimba, va luvisa Vakanana, kambe va tsandzeka ku va hlongolela makumu.