Swivuriso 12:21 - Xitsonga (Bibele)

²¹ La lulameke a nga teli hi khombo; Kambe lavo biha va talela hi nhlomulo.

BIBELE Mahungu Lamanene

²¹ Lowo lulama a nga weli hi khombo, kasi lavo homboloka va rhendzeriwa hi maxangu.

Swivuriso 12:21 Referans Kwoze

1 Petro 3:13

Kutani i mani la nga ta mi endla leswo biha loko mi lavisisa leswinene?

Pisalema 91:10

Khombo ri nga ka ri nga ku fikeri, Ni mhangu yi nga ka yi nga ku weri.

Varhoma 8:28

Kambe ha swi tiva leswaku hinkwaswo swi tirhisana swin'we hi vunene eka lava rhandzaka Xikwembu, va nga lava xi va vitaneke hi makungu ya xona lama tiyeke.

Swivuriso 1:31

Va ta dya mihandzu ya mikhuva ya vona, Va ta xurha hi makungu ya vona.

Nhlavutelo 18:6

N'wi hakeleni kukotisa leswi a mi hakeleke; n'wi rihiseni kambirhi ku ringanisa mitirho ya yena; exinwelweni lexi a cheleke eka xona, n'wi cheleleni kambirhi.

Habakuku 2:16

U tixurhise tingana ematshan'weni ya ku kwetsima; n'wana u ri wena, u ta kombisa vukhuna bya wena. Xi ta tlhelela eka wena, xinwelo lexi nga evokweni ra xinene ra Yehovha, kutani mahlanta ya tingana ma ta va kona ehenhla ka ku kwetsima ka wena.

Swivuriso 14:14

Wa mbilu leyi tidyelelaka u ta phiriwa hi mikhuva ya yena, Kambe la lulameke u ta xurha hi leswi nga embilwini ya yena.

2 Vakorinto 4:17

Hikuva nhlomulo wo vevuka wa hina i wa nkarhinyana wolowo, wu karhi wa hi tirhela exumeni xa ku kwetsima lexi tlurisaka, lexi nga heriki;

Pisalema 121:7

Yehovha u ta ku sirhela eku biheni hinkwako, U ta hlayisa moya wa wena.

Swivuriso 1:33

Kambe la ndzi yingisaka u ta tiakela hi ku rhula, A nga chavi khombo.”

Swivuriso 12:20

Lava kanelaka swo biha, lunya ri le timbilwini ta vona, Kambe lava kanelaka swo rhula va tsaka.

Swivuriso 19:23

Xichavo xa Yehovha xi yisa evutomini, U ta xurha, a etlela, a nga humeleri hi khombo.

Eklesiasta 8:5

“La hlayisaka nawu, a nga tivi mhaka yo biha, ni mbilu ya lowo tlhariha yi tiva mikarhi ni timfanelo.

Swivuriso 11:21

Kunene lowo biha a nga ka a nga tshikiwi ku biwa; Kambe ndyangu wa munhu wo lulama wu ta lamuleriwa.

Eklesiasta 7:18

Swi sasekile loko u tamela lexi, na rona voko ra wena ri nga tshuki ri fularhela lexiya, hikuva la chavaka Xikwembu u huma emakhombyeni hinkwawo.