Swivuriso 12:15 - Xitsonga (Bibele)

¹⁵ Ndlela ya xihunguki yi lulamile emahlweni ya xona, Kambe la amukelaka ku layiwa u tlharihile.

BIBELE Mahungu Lamanene

¹⁵ Xiphukuphuku xi tivona xi ri endleleni leyo lulama, kasi munhu wo tlhariha ú amukela switsundzuxo.

Swivuriso 12:15 Referans Kwoze

Swivuriso 3:7

U nga tivoni vutlhari, Chava Yehovha, u papalata swo biha;

Swivuriso 19:20

Yingisela ku byeriwa, u amukela ku laya, U ta tlhariha mundzuku.

Swivuriso 14:16

La tlhariheke u ni xichavo, kutani u papalata swo biha, Kambe xihunguki xi honisa ntsena, xi titshemba.

Swivuriso 14:12

Ndlela yi kona leyi vonekaka eka munhu ingi yi lulamile, Kasi makumu ya yona ma yisa eku feni.

Swivuriso 1:5

La tlhariheke, a a yingise, u ta tiengetela ku tiva; La nga ni ku twisisa u ta tikumela mano

Swivuriso 26:12

Xana u vone munhu la tivonaka vutlhari? Wa rihuhu u tshembeka ku tlula yeloyi.

Swivuriso 16:25

Ndlela yi kona leyi vonekaka eka munhu ingi yi lulamile, Kasi makumu ya yona, ma yisa eku feni.

Swivuriso 16:2

Mikhuva hinkwayo ya munhu yi lulamile emahlweni ka yena, Kambe Yehovha u pima mimoya.

Vagalatiya 6:3

Hikuva loko munhu a tianakanya, a ku: Ndzi xilo, kasi a nga ri nchumu, wa tixisa a ri yena;

Swivuriso 9:9

Dyondzisa la nga ni ku anakanya, u ta engeta a tlhariha, U dyondzisa la lulameke, u ta engetela ku tiva ka yena.

Swivuriso 21:2

Tindlela hinkwato ta munhu ti lulamile emahlweni ya yena, Kambe Yehovha hi yena la pimaka timbilu.

Luka 18:11

Mufarisi a a yimile hitlhelo rin'wana a khongerisa sweswo, a ku: ‘Xikwembu, ndza ku khensa hikuva a ndzi fani na vanhu van'wana, va nga makhamba ni swidyohi ni vaoswi, ku kota munhu loyi wa muluvisi.

Swivuriso 30:12

Ku ni rixaka rin'wana leri baseke emahlweni ka rona, Kasi a ri si tihlantswa thyaka ra rona;

Swivuriso 28:11

Mufuwi u tlharihile emahlweni ya yena, Kambe u pimiwa hi xisiwana xa ku anakanya.

Eklesiasta 4:13

N'wana la tlhariheke wa xisiwana u tlula hosi leyi dyuhaleke ya xiphukuphuku, leyi nga riki na ku tsundzuxiwa.

Swivuriso 26:16

Lolo ri tivona ku tlhariha Ku tlula va ntlhanu na vambirhi lava hlamulaka swinene.

Swivuriso 13:1

N'wana wo tlhariha u yingisela tidyondzo ta tata wa yena, Kambe musandzi a nga yingisi ku layiwa.

Swivuriso 13:10

Ku tikukumuxa ku humesa ku hambana; Kambe vutlhari byi le ka lava pfumelaka ku tsundzuxiwa.