Swivuriso 11:4 - Xitsonga (Bibele)

⁴ Rifuwo a ri pfuni nchumu esikwini ra vukari, Kambe ku lulama ku lwela munhu eku feni.

BIBELE Mahungu Lamanene

⁴ Esikwini ra ku hlundzuka ka HOSI Xikwembu, rifuwo a ri pfuni nchumu, kambe ku lulama ku ponisa vutomi bya munhu.

Swivuriso 11:4 Referans Kwoze

Swivuriso 10:2

Rifuwo leri kumiwaka hi lavo biha a ri pfuni nchumu, Kambe ku lulama ku ponisa eku feni.

Sofoniya 1:18

Na yona silivhere ya vona, hambi wu ri nsuku wa vona, swi nga ka swi nga koti ku va lamulela esikwini ra vukari bya Yehovha; kambe tiko hinkwaro ri ta hisiwa hi ndzilo wa rilondzo ra yena; hikuva u ta herisa, a va a lovisa vaaki hinkwavo va misava hi xipuku.

Genesa 7:1

Kutani Xikwembu xi byela Nowa, xi ku: “Nghena engalaveni, wena ni yindlu ya wena hinkwayo, hikuva ndzi ku vonile u ri la lulameke emahlweni ka mina exikarhi ka rixaka leri.

Ezekiele 7:19

Va ta cukumeta silivhere ya vona emitsendzeleni, ni nsuku wa vona wu ta va thyaka eka vona, kasi silivhere ni nsuku a swi nga koti ku va ponisa esikwini ra vukari bya Yehovha; swi nga ka swi nga ha xurhisi mimoya ya vona, hambi ma ri makhwiri ya vona; hikuva hi swona leswi nga va dyohisa.

1 Timotiya 4:8

Hikuva ku titiyisa emirini swa pfunanyana; kambe vukhongeri byi pfuna hinkwako, byi ni ku tshembisa ka vutomi bya sweswi ni ka lebyi nga ta ta.

Luka 12:20

Kambe Xikwembu xi ku eka yena: ‘Wee xihunguki! Hi vusiku byebyi, moya wa wena wu ta tekiwa ka wena; kutani swilo leswo u swi lunghiseke, swi ta va swa mani xana?’

Matewu 16:26

Hikuva hambi munhu a nga fuwa misava hinkwayo, loko a lahlekeriwa hi moya wa yena, swi ta va swi n'wi pfune yini-ke? Kumbe munhu u ta humesa yini ku xava moya wa yena-ke?

Varhoma 5:17

Hikuva loko ku ri hikwalaho ka ku dyoha ka munhu a ri un'we, rifu ri fumile ha munhu loyi a ri un'we, ngopfungopfu lava nyikiwaka ku tala ka tintswalo ni ka nyiko ya ku lulama, va ta fuma evutomini ha un'we, a nga Yesu Kriste.

Swivuriso 12:28

Vutomi byi kona, endleleni ya ku lulama, Emitileni ya kona a ku na ku fa.

Swivuriso 6:34

Hikuva mavondzo ma karihisa wanuna, U ta pfumala tintswalo siku a tirihiselaka.

Ntirho 20:28

Rifuwo ra yindlu ya yena ri ta lova, Ri hela hi dyambu ra vukari bya Xikwembu.

Esaya 10:3

Mi ta endla yini hi siku ra ku kambiwa ni loko ku lova loku humaka ekule ku ta mi wela ehenhla? Mi ta tsutsumela eka mani ku pfuniwa? Mi ta veka kwihi xuma xa n'wina xana?

Ezekiele 14:14

ni loko ngi vanhu lavanharhu, a nga Nowa, na Daniele, na Yobo va nga tshama exikarhi ka rona, va ta ponisa mimoya ya vona hi ku lulama ka vona, ku vula Hosi Yehovha.