Swivuriso 10:22 - Xitsonga (Bibele)

²² Mikateko ya Yehovha yi fuwisa munhu, A nga n'wi engeteli mikarhalo.

BIBELE Mahungu Lamanene

²² Minkateko ya HOSI Xikwembu yi fumisa vanhu, ku tikarhata ka munhu ku nga ka ku nga yi engeteli.

Swivuriso 10:22 Referans Kwoze

Pisalema 107:38

A va katekisa, kutani va andza ngopfu; A nga hungutanga ntsengo wa swifuwo swa vona.

Genesa 26:12

Isaka a byala timbewu etikweni leri, kutani hi lembe rolero a tshovela ka dzana; hikuva Yehovha a a n'wi katekisile.

Genesa 24:35

Yehovha u katekisile ngopfu n'wini wa mina, la nga hundzuka munhu wa matimba; u n'wi nyikile swifuwo leswitsongo ni leswikulu ni mali yo basa ni nsuku, ni makhumbi ya xinuna ni ya xisati, ni tikamela ni timbhongolo.

Genesa 12:2

Ndzi ta ku endla tiko lerikulu; ndzi ku katekisa, ndzi kurisa vito ra wena, u va xihlovo xa mikateko.

Pisalema 37:22

Hikuva lava Xikwembu xi va katekisaka, va ta dya ndzhaka ya misava; Kambe lava xi va rhuketelaka, va ta susiwa.

Swivuriso 20:21

Ndzhaka leyi kumiwaka hi ku dyoha eku sunguleni, Yi nga ka yi nga katekisiwi eku heleni.

Genesa 13:2

Abrama a a fuwe ngopfu swifuwo, ni mali yo basa, ni ya nsuku.

Swivuriso 28:22

Munhu wa tihlo lero biha, u tsutsumela rifuwo, Kasi a nga tivi leswaku ndlala yi ta n'wi wela ehenhla.

Zakariya 5:4

Ndzi wu humesile, ku vula Yehovha wa tinyimpi, wu ta nghena endlwini ya khamba ni le ndlwini ya la hlambanyaka hi vito ra mina hi mavunwa; wu ta tshama exikarhi ka yindlu ya yena, wu ta yi herisa, ni timhandze ta yona, ni maribye ya yona.”

Genesa 14:23

Hambi ma ri marinya ku fika eka ringole ra ntanghu, ndzi nga ka ndzi nga teki nchumu xa leswi nga swa wena! U nga tivula, u ku: ‘Mina, ndzi fuwisile Abrama!’

Yoxuwa 6:18

Ntsena, loko mi ri n'wina, chavani leswo yila leswaku mi nga tshuki mi tiyirisa hi ku teka swo yila, mi nga yirisi mixaxa ya Israele, ni ku yi pfilunganya.

1 TIHOSI 21:19

U ta ku eka yena: ‘Yehovha u vurisa sweswo, a ku: “A hi wena mudlayi ni muyivi xana?” ’ Kutani u ta ku eka yena: ‘Yehovha u ri: “Laha timbyana ti nantsweke ngati ya Naboto, hi kona timbyana ti nga ta nantswa ngati ya wena kunene!” ’ ”

Genesa 26:13

Munhu yeloyi a kula a fuwa ngopfungopfu, a ko a va munhu wa matimba lamakulu.

Duteronoma 26:10

Oho! Yehovha, waswivo sweswi ndzi tisile swirhangana swa mihandzu ya misava leyi u ndzi nyikeke yona!’ U ta yi veka emahlweni ka Yehovha, Xikwembu xa wena, kutani u ta khinsama emahlweni ka Yehovha, Xikwembu xa wena.

Duteronoma 28:11

Yehovha u ta ku andzisela rifuwo hi mihandzu ya khwiri ra wena, ni mihandzu ya swifuwo swa wena, ni mihandzu ya misava ya wena emisaveni leyi Yehovha a hlambanyeleke vatata wa wena ku ku nyika yona.

2 TIKRONIKA 25:9

Amasiya a ku eka munhu wa Xikwembu: “Ndzi ta endla yini emhakeni ya titalenta ta dzana leti ndzi ti nyikeke vandla ra Israele xana?” Munhu wa Xikwembu a hlamula, a ku: “Yehovha a nga ku nyika leswi tlurisaka ngopfu.”

Swivuriso 8:21

Ndzi nyika lava ndzi rhandzaka ndzhaka leyi tiyeke, Ndzi tata vuhlayiselo bya vona.

Swivuriso 14:24

Rifuwo ra lavo tlhariha i harhi ya vuhosi ya vona, Loko byi ri vuhunguki bya xihunguki i vuhunguki ntsena.

Daniele 1:15

Masiku laya khume, loko ma hundzile, mimombo ya vona yi vonaka yi sasekile, yi nyun'hwele ku hundzisa ya majaha lama phameriwaka swakudya leswo xawula swa hosi.

1 TIKRONIKA 4:10

Yabese a khongela Xikwembu xa Israele, a ku: “Ingi loko u ndzi katekisa, loko u tshineta mindzilekana ya mina, ingi loko voko ra wena ri va na mina, loko u ndzi sirhelela eka leswo biha, leswaku ndzi nga tshuki ndzi twa ku vaviseka!” Kutani Xikwembu xi n'wi nyika leswi a swi kombeleke.

2 TIKRONIKA 32:27

Hezekiya a va ni rifuwo lerikulu ngopfu, ni ku twala lokukulu ngopfu; a tilavele xuma xa silivhere, ni xa nsuku, ni xa maribye ya risima, ni xa mirhi ya risuna, ni xa switlhangu, ni swa tinxaka hinkwato ta mitirho leyi navelekaka;

2 TIKRONIKA 32:29

A tiakela miti, kutani a va ni mitlhambi leyo tala ya swifuwo leswikulu ni leswitsongo; hikuva Xikwembu a xi n'wi nyikile rifuwo lerikulu ngopfu.

Pisalema 127:2

A swi mi pfuni nchumu ku vindzuka nimixo Ni ku hlwela ku ya eku etleleni, Ni ku dya vuswa lebyi vavisaka! Murhandziwa wa yena wa nyikiwa leswo tano evurhongweni bya yena.