Swivuriso 10:20 - Xitsonga (Bibele)

²⁰ Ririmi ra lowo lulama i silivhere leyi baseke, Kambe mbilu ya lowo biha i swahava.

BIBELE Mahungu Lamanene

²⁰ Marito ya munhu wo lulama i silivhere leyo saseka, kasi miehleketo ya lavo homboloka a yi pfuni nchumu.

Swivuriso 10:20 Referans Kwoze

Yeremiya 17:9

“Mbilu yi ni mano ku tlula hinkwaswo, yi borile ngopfu; yi nga tiviwa i mani-ke?

Swivuriso 12:18

La vulaka swahava wa tlhava kukota tlhari; Kambe nomu wa lowo tlhariha wa hanyisa.

Genesa 6:5

Kutani Yehovha a vona leswaku ku biha ka vanhu ku kurile emisaveni, ni miehleketo hinkwayo ya timbilu ta vona yi kongoma ku biha ntsena hi masiku hinkwawo,

Swivuriso 23:7

Hikuva hilaha xi anakanyaka embilwini ya xona, Xi tano, xi ta ku eka wena: “Dyana, u nwa!” Kambe mbilu ya xona a yi kona eka wena;

Swivuriso 16:13

Hosi yi tsakisiwa hi milomu leyinene, Yi rhandza lava vulavulaka leswo lulama.

Swivuriso 15:4

Nomu wa ku olova i murhi wa vutomi, Loko wu ri wo homboloka wu soholota moya.

Swivuriso 8:19

Mbhandzu wa mina wu tlula nsuku, hambi wu ri nsuku wo saseka. Leswi tshoveriwaka eka mina swi tlula silivhere.

Genesa 8:21

Kutani Yehovha a twa ku nun'hwela loku tsakisaka; Yehovha a ku embilwini ya yena: “A ndzi nga ha tlheli ndzi rhuketela misava hikwalaho ka vanhu, hikuva makungu ya timbilu ta vanhu ma bihile ku suka evuhlangini bya vona, kutani a ndzi nga ha tlheli ndzi ba hinkwaswo leswi hanyaka hilaha ndzi endleke hakona.

Pisalema 37:30

Nomu wa la lulameke wu humesa vutlhari, Ririmi ra yena ri vula leswo lulama.

Swivuriso 20:15

Nsuku wu kona, ni tidayimani leto tala, Kambe xa risima lerikulu i milomu leyi dyondzeke.