Swirilo 5:22 - Xitsonga (Bibele)

²² Xana u hi tshikele makumu xana? Xana u hi hlunamele ku tlurisisa xana?

BIBELE Mahungu Lamanene

²² Xana u nga va u hi tshikele makumu, u nga va u hi hlundzukele hilaha ku nga heriki xana?

Swirilo 5:22 Referans Kwoze

Hosiya 1:6

Kutani a engeta a tika, a veleka wanhwanyana; kutani Yehovha a ku eka Hosiya: “N'wi thye vito ra Lo-Ruhama (la nga tsetseleriwangiki); hikuva a ndzi nga ha tsetseleli yindlu ya Israele hi ku yi rivalela.

Ezekiele 37:11

Kutani a ku eka mina: “N'wana wa munhu, marhambu walawo, i yindlu hinkwayo ya Israele. Vona va ri: ‘Marhambu ya hina ma omile; ku tshemba ka hina ku herile; hi lovile.’

Esaya 64:9

U nga tshuki u hlundzuka ku tlurisa, o Yehovha, u nga tshuki u tsundzuka hi masiku ku dyoha. Vona, pfumela ku languta, hikuva hinkwerhu hi tiko ra wena!

Pisalema 44:9

Hambiswiritano u hi cukumetile, u hi funengete hi tingana, U tshikile ku huma ni tinyimpi ta hina;

Pisalema 53:5

Va ta rhurhumela hi ku chava, Laha ku nga riki na mhaka ya ku chava; Hikuva Xikwembu xi ta hangalasa marhambu ya lava ku rhendzelaka; U ta va khomisa tingana, hikuva Xikwembu xi va cukumetile.

Yeremiya 7:29

“ ‘Byewula misisi, u yi cukumeta, kutani u endla nkosi eswitsungeni leswi tlakukeke, hikuva Yehovha u cukumetile rixaka rero a ri kariheleke, u ri sandzile.’

Yeremiya 14:19

Xana Yuda, u n'wi tshikele makumu, kumbe mbilu ya wena yi korwile hi Siyoni xana? U hi bele yini, ku nga ri na ku hanyisiwa xana? Hi langutele ku rhula, kambe a hi voni ku rhula; ni nkarhi wa ku horisiwa, kambe ku chavisa ku kona.

Pisalema 74:1

Oho Xikwembu, u hi cukumetele makumu ha yini-ke? U karihele ntlhambi lowu u wu risaka hikwalaho ka yini?

Pisalema 79:5

Yehovha, u ta tshika rini ku kariha, Rilondo ra wena ri ta pfurha tani hi ndzilo hi masiku xana?

Yeremiya 6:30

Va ta vuriwa silivhere leyi tshikiweke hikuva Yehovha u va tshikile.”

Ezekiele 24:13

Ku biha ku kona ethyakeni ra wena, kasi ndzi ku hlantswile, hambiswiritano, a ku tenganga; a ku nga ha hlantswiwi thyaka ra wena ku fikela loko ndzi korwise vukari bya mina ha wena.