Swirilo 4:19 - Xitsonga (Bibele)

¹⁹ Vaxanisi va hina va ni matsamba Ku tlula magama ya le henhla; Va hi hlongorisa etintshaveni; Emananga va hi celela marindzi.

BIBELE Mahungu Lamanene

¹⁹ Lava va hi hlongorisaka va ni rivilo, va siya ni magama; va hi hlongorisa etintshaveni, va hi tumbelela emananga.

Swirilo 4:19 Referans Kwoze

Habakuku 1:8

Tihanci ta rona ti vevuka ku tlula tiyingwe, ti tsutsuma ngopfu ku tlula timhisi ta madyambu; vakhandziyi va rona va famba hi ku tikurisa; vakhandziyi va rona va pfa hi le kule va haha kukotisa koti leri tilunghiselaka ku wela swakudya swa rona.

Yeremiya 4:13

Langutani muonhi u tlhandluka kukotisa mapapa; tigolonyi ta yena ti kotisa xidzedze; tihanci ta yena ti tlula makoti hi ku tsutsuma; khombo ri le ka hina, hikuva ha borisiwa!

Hosiya 8:1

Veka nanga enon'wini wa wena. Xirha xi haha kukotisa gama, xi wela ehenhla ka yindlu ya Yehovha hikuva va tlule ntwanano wa mina va hundzukele milawu ya mina.

Duteronoma 28:49

“Yehovha u ta ku pfuxela tiko leri nga ekule, ri nga emakun'wini ya misava, tiko leri fanaka ni gama loko ri haha, tiko leri u nga ka u nga twisisi ririmi ra rona;

Amosi 2:14

Wa matsamba, u ta tsandzeka ku tsutsuma, wa matimba a nga ka a nga tiyisi hi matimba ya yena; ni xihontlovila, xi nga ka xi nga hlayisi vutomi bya xona.

Levhitika 26:36

Loko va ri lava nga ta pona, ndzi ta va endla matoya etikweni ra valala va vona; pongo ra tluka leri tsekatsekisiwaka ri ta va hlongola va ta baleka kukotisa loko va baleka emahlweni ka matlhari; va ta wa va nga hlongorisiwi.

Yeremiya 16:16

“Vonani, ndzi ta vitana vaphasi lavo tala, ku vula Yehovha, kutani va ta va phasa; kambe ndzhaku, ndzi ta rhuma vahloti lavo tala, va ta va hlota etintshaveni hinkwato ni le switsungeni hinkwaswo ni le mabakweni ya maribye.

Swirilo 1:13

“U rhumerile ndzilo a ri ehenhla emarhambyini ya mina, kutani u ma hetile; U rhiyile vurimba emilengeni ya mina, U ndzi tlherisele endzhaku, A ndzi nyiketa eku onhakeni leswaku ndzi fa hi masiku.

Hosiya 8:3

Israele u sandze leswi lulameke, xirha xi ta n'wi landzelela.