Swirilo 3:2 - Xitsonga (Bibele)

² U ndzi fambisile, a ndzi yisa emunyameni, Ku nga ri eku vonakaleni.

BIBELE Mahungu Lamanene

² Ú ndzi khayimile a ndzi yisa exinyamini lexo chavisa.

Swirilo 3:2 Referans Kwoze

Esaya 59:9

Hikwalaho ka swona, ku pona ku le kule na hina, ni ku lulama a ku fiki ka hina; hi langutele ku vonakala, kasi munyama wu kona, hi langutele nhlekanhi, kasi hi famba emunyameni.

Ntirho 30:26

A ndzi langutela ku kateka, kutani ndzi tele hi khombo; A ndzi langutela ku vonakala, kambe munyama wu fikele.

Yuda 1:13

I magandlati lama levaka ya lwandle, lama tlhutlhaka khuvi, swi nga swisandzu swa vona; i tinyeleti leti lahlekeke, leti lunghiseriweke ntima wa munyama hilaha ku nga heriki.

Yuda 1:6

kambe, ni tintsumi leti nga hlayisangiki swa ku sungula ka tona, kambe ti sukele ekaya ka tona, yi ti hlayisile emunyameni, hi ku bohiwa loku nga heriki, ku langutela kona ku avanyisa ka siku lerikulu.

Swirilo 2:1

Hosi yi funengetile ha yini hi ku kariha nhwanyana wa Siyoni? Ku kwetsima ka Israele, u ku susumetile a ri ehenhla, a ku hoxa emisaveni, Kutani hi siku ra vukari bya yena A nga tsundzukanga vunavelo bya milenge ya yena.

Yeremiya 13:16

Dzunisani Yehovha, Xikwembu xa n'wina, a nga siki humesa munyama, ni milenge ya n'wina yi nga siki khunguvanyeka etintshaveni ta vusiku, ni loko a nga siki hundzula ku vonakala kuloku mi ku languteleke, ndzhuti wa rifu ni ku humesa ntima.

Yeremiya 4:23

Ndzi languta misava, kutani vonani, yi onhakile; na wona matilo ma pfumala ku vonakala ka wona.

Ntirho 18:18

U ta hlongoriwa eku vonakaleni, a ya emunyameni, A susiwa emisaveni leyi akiweke.

Duteronoma 28:29

u ta ambamba ninhlekanhi kukotisa lowo fa mahlo a ambambaka emunyameni, kutani u nga ka u nga tsaki etindleleni ta wena. U ta xanisiwa ni ku yiveriwa ntsena hi masiku hinkwawo, kutani ku nga ka ku nga vi na muponisi!